Medida Ezekusaun EE Nia Dala-19, Servisu Administrativa La Atende Sidadaun Seidauk Vasina

DILI, STLNEWS.co – Konsellu Ministrus halao sorumutuk iha Palasiu Governu aprova ona medida ezekusaun Estadu Emerjensia (EE) ba dala-19, mak servisu administrativa sira sei la atende sidadaun neebe seidauk simu vasina.

Dekretu Governu nian konaba medida sira ezekusaun deklarasaun Estadu Emerjensia, neebe efetua husi Dekretu Prezidente Republika nian nu. 95/2021, loron 26 fulan Outubru, hodi hatan ba pandemia Covid-19 nian.

Estadu Emerjensia neebe daudaun nee renova ona, abranje ba teritoriu nasional tomak no sei vigora husi oras tuku 00:00 loron 30 fulan Outubru tinan 2021 to’o tuku 23:59 iha loron 28 fulan Novembru tinan 2021.

“Konaba medida sira ezekusaun deklarasaun EE anterior nian, rejista deit alterasaun ida, no estabelese ona katak, hodi hetan asesu ba servisu administrativa balun tenke komprova vasinasaun kompleta kontra SARS-CoV-2/COVID-19, ka iha alternativa, tenke komprova rezultadu negativu iha teste detesaun SARS-CoV-2COVID-19, neebe halao ho antesendensia labele liu loron lima,” haktuir komunikadu husi PCM neebe STL asesu iha kuarta nee,(27/10/2021)

Alinde regra sira seluk mantein nafatin, liu – liu obriga ema hotu neebe maka hela iha Timor Leste atu mantein distansia, pelumenus metru ida ho ema seluk neebe la hela iha fatin hanesan.

Kontinua obriga komunidade sira atu uza maskara oin nian neebe taka inus no ibun, bainhira hakarak atu tama ka hela iha fatin publiku ka privadu sira, neebe mak ema hotu uza no fase liman, bainhira hakarak tama iha estabelesimentu komersial, industrial ka prestasaun servisu sira, ka edifísiu sira neebe maka servisu administrasaun publika nian funsiona.

Durante vijensia EE, lisensa, autorizasaun, vistu no autorizasaun rezidensia no aktu administrativu sira seluk sei validu nafatin, la haree ba nia prazu validade.*

(Alb)

LEAVE A REPLY

Please enter your comment!
Please enter your name here

NEWS UPDATE

Analfabetu Oan Sai Doutoramentu

DILI, STLNEWS.co – Maluk letores sira, serimonia Solene Graduasaun Dili Institute of Technology (DIT) ba dala XIV periodu tinan 2021, konvida ita atu konese...

Dr. Peregrinus D. Siga Taa, M. Eng: Kualidade Servisu Infrastrutura Publiku Fraku

DILI, STLNEWS.co – Dekanu Fakuldade Enjeñaria no Siensia Dili Institute of Technology (DIT), Dr. Peregrinus D. Siga Taa, M.Eng, hatete, kualidade servisu infrastrutura publiku sei...

DIT Gradua Finalista 543 Inklui MBA Nain 6

DILI, STLNEWS.co – Dili Institute of Tecnhology (DIT) Segunda nee (29/11/2021) halao serimonia graduasaun ba dala XIV periodu tinan 2021, ho graduadus hamutuk ema...