MEJD-EEU Lansa Treinamentu Abilidade Ba Foinsae

DILI, STLNEWS.co – Ministeriu Edukasaun Juventude no Desportu (MEJD), Embaixada Estadus Unidus (EEU) no Fundus Nasoens Unidas ba Labarik (UNICEF), lansa treinamentu konaba abilidade sekulu 21 ba foinsae sira iha sentru aprendizajen komunitaria.

Liu husi komunikadu neebe STL asesu husi Media Unicef Tersa nee (10/05/2022) hatete, ohin loron MEJD hamutuk ho Embaixada Estadus Unidus no UNICEF, lansa ona inisitativu atu introdus treinamentu konaba abilidade sekulu 21 ba foinsae sira iha Timor Leste. Treinamentu nee sei implementa iha Munisípiu Baukau, Dili no Manatuto.

Liu husi komunikadu nee hatete, inisiatiava ida nee lansa husi Diretor Jeral Edukasaun no Ensinu, Luis Fernándes no Adjunta Reprezentante País UNICEF, Ainhoa Jaureguibeitia, Reprezentante UNICEF iha sentru aprendizajen Komunitaria Cristo Rei, durante serimonia atende estudante sira husi sentru aprendijazen, profesor no profesora sira, inan aman no membru komunidade sira.

“Timor Leste agora sai lider hodi esplora limitasaun foun iha edukasaun ba labarik no foinsae sira globalmente. Timor Leste mak nasaun dahuluk introdus konaba plataforma eskola ba Uma/Passporte aprendizajen atu asegura labarik sira kontinua aprende durante tempu pandemia. Agora ita mos introdus kursu abilidade sekulu 21 atu ajuda joven sira aprende konaba abilidade xave sira no hadiak sira nia aprendizajen, hanesan ho nasaun barak sira seluk iha mundu,” hateten Diretor Jeral Edukasaun no Ensinu MEJD, Luis Fernandes.

Kursu sira nee disponivel iha lian tetun, no uza aprosimasaun inovativu, nivel mundial, husi Massachusetts Institute of Technology (MIT) no Universidade INSPER iha Brazil. Kursu sira nee dezenvolve husi MEJD, UNICEF, MIT no Universidade INSPER.

“Programa nee sei ajuda lider futuru Timor oan sira dezenvolve abilidade sira neebe mak presiza ba ekonomia sekulu 21,” hateten Enkaregadu Embaixada EUA, Tom Daley. “Programa nee refleta komitmentu EUA atu haforsa oportunidade edukasaun ba estudante Timor oan sira, nunee mos ami nia parseria ho Timor Leste,” katak nia.

Nunee mos Adjunta Reprezentante País UNICEF, Ainhoa Jaureguibeitia hatete, kursu sira-nee sei ajuda foin-sae sira iha Timor-Leste aprende abilidade sira neebe mak relevante iha mundu ohin loron no ajuda sira lidera inovasaun no rezolve problema sira neebe mak iha impaktu ba sira agora no ba jerasaun tuirmai. Kolaborasaun ida nee entre governu EUA, SEJD no UNICEF sei ajuda foin sae sira ba futuru no sira sai forsa ba mudansa pozitivu.

Ho apoiu husi Governu Estadus Unidus Amerika, liu husi Embaixada EUA iha Dili, UNICEF no Ministeriu Edukasaun, Juventude, no Desportu sei kontinua implementa kursu sira-ne’e ba foinsae sira iha Baucau no Manatuto no sei organiza eventu entre eskola sira kona-ba siensia, teknolojia, enjeneria, arte, no matematika.

(eme)

LEAVE A REPLY

Please enter your comment!
Please enter your name here

NEWS UPDATE

Profile Padre Francisco Fernandes

Edisaun ohin ita sei ho Padre Francisco Soares Fernandes, ai fuan domin husi aman Domingos Fernandes no inan Isabel Soares, oan ba dala uluk...

Afetadu Covid-19, Horta Nia Amigu Diak Husi Nova Zelandia La Partisipa

DILI, STLNEWS.co - Prezidente eleitu Dr. Jose Ramos Horta hatete, Ministru boot ida husi Nova Zelandia nia kolega diak tinan 30 ona, ministru boot...

Asidente Iha Bekora, Vitima Mate Fatin

DILI, STLNEWS.co – Asidente trafiku kareta tanki tula mina ida husi kompania Realistric Fuel, la iha sapa matrikula ho motor Revo ho sapa matrikula 3668...