MEJD Nafatin Koopera Ho ADTL

DILI, STLNEWS.co – Ministeriu Edukasaun Juventude no Desportu (MEJD), liu husi edukasaun inkluzivu nafatin halo kooperasaun ho Asosiasaun Defisiensia Timor Leste (ADTL) no organizasaun sira seluk, hodi haree ba ema defisiente sira.

Xefe Departamentu Edukasaun Inkluzivu MEJD, Jose Monteiro hatete tuir nesesidade ho defisiente fiziku, liga fali ho KDTL nee mak defisiensia tilun, liga ho lingua jestual ninia, bainhira sira halo formasaun ruma, konvida sira tanba sira mak sai hanesan fasilitador, hodi halo atende ba lian jestual ninia.

“Ami nian planu nee iha ona ho nivel ministerial, servisu hamutuk ho organizasaun sira neebe mak servisu ba ema ho defisiensia, nee mak ohin hau fo hatene dehan iha, liu-liu organizasaun sira neebe mak rona konta ba ema ho defisiensia sira hanesan ADTL no organizasaun sira seluk tan, tanba agora Dili sei iha SS nian laran, tanba nee ita seidauk halibur ema barak, karik iha Munisipiu sira seluk laiha ona SS, durante nee ami halo ribuan ho ADTL sira no organizasaun seluk neebe ami sempre servisu hamutuk, servisu prinsipal ida mak CNR, neebe mak rona konta ba ema defisiensia fiziku ninia, ami tenke komunika ho estudantes defisiensia neebe mak iha eskola, para bele atende ho kadeira roda,” dehan Jose ba STL, iha nia knaar fatin MEJD, Vila-Verde, Dili, Tersa (27/07/2021).

Jose dehan diresaun ida nee nafatin halo koordenasaun ho organizasaun sira neebe mak toma konta ba ema ho defisiente sira, ho ida nee importante tebes diresaun ida nee sempre halo koordenasaun diak ho parseiru sira seluk, maibe ho SS iha kapital Dili sira seidauk bele ba iha Munisipiu.

Iha parte seluk Direitor Ezekutivu ADTL, Cesario da Silva dehan, sira iha koordenasaun no diresaun edukasaun inkluzivu, para bele haree ba maluk defisiente sira, oinsa diresaun ida nee bele ba iha eskola sira nee, hodi haree ema defisiente sira asesu ba edukasaun.*

Reportajen: Jacinta Sequeira
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 20 Outubru: Kazu Foun Hamutuk 16

DILI, STLNEWS.co - Ohin loron Sentru Integradu Jestaun Krize (SIJK) rejistu kazu foun hamutuk 16, iha Dili 14 no munisipiu seluk iha nain 2. "Kazu...

Membru F-FDTL Foun Ida Halai Lakon

DILI, STLNEWS.co - Membru foun FALINTIL Forsa Defeza Timor Leste (F-FDTL) ida ohin halai lakon iha sentru formasaun Metinaro tanba la augenta ho instrusaun...

Maromak La Dukur Ba Nia Ema

DILI, STLNEWS.co - Maromak mak iha kbiit tomak sempre akompanha ema hotu iha tempu saida deit no nunka dukur ba ema, tanba ne'e presiza...