DILI, STLNEWS.co – Reprezentante povu iha uma fukun Parlamentu Nasional (PN) liu husi Deputadu Leandro Lobato, husu ba Ministeriu Edukasaun Juventude no Desportu (MEJD) tenki haree ba ezijensia eskola hirak neebe too agora seidauk legaliza sira nia numeru emis.
“Husu ba MEJD hodi haree ba ezijensia eskola sira, neebe mak too oras nee seidauk hetan legalizasaun numeru emis,” dehan nia liu husi plenaria iha PN, Tersa nee (26/04/2022).
Nia afirma, iha Munisipiu Likisa, Postu Administrativu Maubara, Suku Batuboro, iha eskola ida mak lokaliza iha Aldeia Metrobopu eskola segunda siklu, eskola refere kumpri ona rekezitus ka regras edukasaun nian 100%.
Nia tenik, maibe too agora seidauk hetan atribuisaun numeru emis husi diresaun departamentu akreditasaun.
Nunee mos Deputadu Antonio Verdial hatete “hau Segunda ho preokupasaun neebe mak hatoo ona husi Deputadu Leandro nian, konaba eskola balu neebe mak too agora seidauk legaliza sira nia numeru emis,” dehan nia.
Nia hatutan, tan nee husu ba MEJD tenki toma atensaun no tau mos importansia ba iha ezijensia husi responsavel eskola sira nian.
(dom)
