Membru Apoiu Servisu Prizional Husu MJ Hadia Kondisaun Prizaun

DILI, STLNEWS.co – Membru apoiu servisu prizional husu Ministeriu Justisa (MJ), atu bele hadia kondisaun prizaun nian, iha fatin tolu hanesan Becora, Ermera, no Suai.

Tuir Koordenador Defensoria Publiku, Cancio Xavier hatete, espesifikamente hanesan dezafiu neebe defensoria publiku enfrenta, maka husi instituisaun rasik ezije presiza mos espasu, maibe realidade ida nee laos responsabilidade Ministeriu Justisa deit, maibe hotu hotu iha responsabilidade tanba desizaun atu evolui ka atu projeta orsamentu hodi aloka ba iha infraestrutura nee kompetensia husi Ministeriu Obras Publika (MOP) maka bele haree.

“Hau hanoin katak nee laos deit presiza haree deit husi MJ, prizaun, defensoria, no prokuradoria ita konsidera preokupasaun sira nee sai hanesan segimentu importante iha nasaun ida. Hau labele hatete dehan ida nee prioridade ida neeba prioridade, maibe prizaun nee importante no ita presiza tau prioridade tanba over letting ka kapasidade iha prizaun nee ita presiza hanoin atu bele halo alargamentu ba prizaun sira neebe maka iha,” dehan nia ba jornalista iha salaun HAK, Farol, Dili, Kuarta (23/06/2021).

Nia dehan, wainhira sira halo monitorizasaun iha prizaun 3, sira hanoin katak atu halo alargamentu, ezemplu hanesan bele halo espansaun ba prizaun ida iha Oeberek nee, hanoin katak ida nee importante, maibe hanoin katak ida nee desizaun ida husi governu tomak. Serake presiza ita tau orsamentu para bele halo alargamentu hodi loke prizaun refere ou lae.

Nia hatete, tanba nee konsentrasaun atu halo alargamentu nee lapresiza ona ba tan fatin neebe intala ona, presiza halo alarga fatin seluk husi nee, tanba nee propoin governu wainhira presiza atu intala maka fatin ida iha Oeberek, tanba nee ba sira neebe maka hetan desizaun tranzitu injulgadu bele ba halao servsiu, purezemplu hanesan servisu ida neebe maka bele kontribui ba kresimentu ekonomiku hanesan 50% ba governu, 50% ba sira nia aan rasik.

Iha fatin hanesan, Diretor Asosiasaun HAK, Sisto do Santos haktuir, dezde Timor Leste ukun rasik an, kondisaun iha prizaun neebe maka uluk iha tempu transisaun nia laran haree husi konstrusaun fiziku ba prizaun nian liuliu Ermera, Becora kuaze ekipamentu sira nee tuan hotu ona.

“Iha Becora rasik tuir loloos nia estandar nee entre ema atus rua to atus tolu komunidade prizional maka hela iha neeba, maibe defaktu ema resin ona besik ona atus lima resin neebe maka dadaun nee sai hanesan populasaun prizional sira,” tenik Sisto do Santos

Nia hatutan, iha parte seluk mos kondisaun blok balun neebe maka lafunsiona tanba kontrusaun nee tuan ona, ida nee hanesan preokupasaun boot ida ba komunidade prizional sira.*

Reportajen: Santina Castro
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Covid-19 Update (26 Jullu 2021): Pozitivu 6, Rekoperadu 45, & Ativu 656

DILI, STLNEWS.co - Loron 26 fulan Jullu liu Centro Integrado Gestão de Crises, Sala Situação (CIGC-SS) rejistu kazu pozitivu Covid-19 iha nain 6, Dili...

Demisaun Membru PNTL 3, PN Rekonese Bazeia Ba Regulamentu

DILI, STLNEWS.co - Parlamentu Nasional (PN) liu husi komisaun B neebe trata asuntu defeza seguransa no negosiu estranjeiru rekonese demisaun membru Polisia Nasional Timor-Leste...

Komisaun F Seidauk Aprova Projetu Lei Protesaun Ba Labarik

DILI, STLNEWS.co - Parlamentu Nasional (PN) liu husi Komisaun F trata asuntu Saude, Seguransa Sosiais no Igualidade Jeneru, seidauk aprova projetu lei protesaun labarik...
%d bloggers like this: