Deputada nee mos husu ba governu atu book an lalais bainhira anu letivu estudante sira hahu eskola nee, bele fasilita diak liu estudante sira atu hakat ba mai, tanba zebra cross barak maka tau iha eskola oin, tan nee presiza atensaun husi governu.
“Atu labele gasta osan hela deit ba zebra cross iha territoriu laran, husu ba governu ka kompania sira neebe hetan konfiansa hodi pinta zebra cros nee, atu tau tinta neebe kualidade ho nunee fula – fulan ita labele hanoin atu pinta hela deit,” tenik nia.
Iha fatin hanesan, Deputada Elvina de Sousa hatutan, zebra cross iha kapital Dili kuaze mos hotu ona, maibe to’o agora seidauk hetan atensaun husi governu, maske agora tama ona ba tinan 2022. “Iha tinan 2021 nia laran, deputadu sira iha uma fukun ida nee foti hela deit problema zebra cross neebe moos hotu ona, maibe la rezolve, fiar katak tinan 2022 nee bele tama iha planu prioridade,” dehan Deputada PD nee.
(mad)
