Membru PSHT 100 Livre Husi Karantina

Komandante Jeral Polisia Nasional Timor Leste (PNTL) Komisariu Polisia Faustino da Costa. (Foto: Media Officer PNTL)

DILI, STLNEWS.co – Sidadaun Timoroan neebe envolve iha Arte Masial Persaudaraan Setia Hati Terate (PSHT), durante iha periodu Estadu Emerjensia da-lima halo movimentu ilegal iha fronteira, tama sai livre hodi tuir ezame sae sintu iha Indonezia fila mai Timor Leste ema nian 100 kumpri ona karantina obrigatoriu.

Komandante Jeral Polisia Nasional Timor Leste (PNTL) Komisariu Polisia Faustino da Costa hatete, Ministeriu Suade liverta ona sidadaun Timoroan 100 neebe tama iha karantina, hafoin fila husi nasaun Indonezia.

Nia dehan, ekipa investigasaun PNTL nasional no munisipiu dadaun nee rejistu ona ema nain 100 mak ministeriu saude livera ona husi karantina obrigatoriu durante loron 14, tanba nee prosesu identifikasaun hotu, maibe hein prosesu tuir mai ministeriu publiku (MP), mak foti desizaun.

“Ita halo hela indentifikasaun ema nain 100 neebe Ministeriu Saude liverta ona atu halo prosesu, tanba nee hein Ministeriu Publiku atu foti desizaun,” dehan Faustino ba jornalista sira, hafoin remata inagurasaun uma guarda PNTL, iha Kuartel Jerál PNTL Caicoli, Dili (29/09/2020).

Tanba tuir nia katak, prosesu tomak iha Ministeriu Publiku (MP) nia liman, tanba sira mak nain ba iha prosesu atu deside.

Iha fatin hanesan Vise Ministru Interior (MI), Antonio Armindo hatete, sidadaun sira neebe kontinua ultrapasa ilegal iha fonteira rai hodi ba sae sintu iha Indonézia, dadaun nee Polísia Nasional Timor-Leste (PNTL) no Ministeriu Interior (MI), kontinua halo investigasaun hodi lori prosesu sira ba Ministériu Públiku (MP).

Nia dehan sidadaun sira neebe tama ilegal iha fornteira PNTL kaptura ona no iha ona karantina, bainhira sira kompleta ona loron 14 iha kuarentina sei kontinua halo proseu ba iha ministeriu publiku (MP), atu bele foti desizaun ruma.

“Sidadaun sira neeebe tama ilegal ne’e liu 300 resin, neebe agora lor-loron ita kontinua kaer, balun sei tama sai nafatin, neebe numeru loloos nee ita labele koalia katak hanesan nee, maibe agora nee kontinua akontese, neebe too semana oin hanesan nee, bele too 400 hanesan nee,” dehan nia.*

Reportajen: Efizenia da Costa
Editora: Carme Ximenes

LEAVE A REPLY

Please enter your comment!
Please enter your name here