Menus Kampu Servisu, Remata Universidade Ba Servisu Iha Liur

DILI, STLNEWS.co – Bainhira remata ka gradua iha universidade, graduadu barak trata sira nia dokumentus ba servisu iha rai liur, tanba menus kampu servisu iha rai laran.

Joao Marques Magno da Costa hanesan estudante finalista husi Institute Superior Cristal (ISC) hatete, ho kampu servisu neebe menus iha rai laran, joven barak sei sai hotu ba servisu iha rai liur, tanba ema hotu hakarak atu muda sira nian moris, ho ida nee bainhira remata iha nivel universudade, graduadus barak halai liur.

“Ita nian kampu servisu menus, ita nian joven barak kada loron iha aeroportu neeba nakonu, balu ba servisu iha Korea, Australia no Inglatera, tanba familia mos apoiu oan sira hodi bele hadia moris, se ita nian governu loke investimentu boot ruma hodi fo servisu ba joven sira, nee diak, se lae ema hotu halai ba rai liur,” dehan Joao ba STL, Kinta nee (21/07/2022).

Joao dehan, ho kampu servisu neebe menus, graduadus neebe gradua tiha ona balun tuur deit iha uma, balu halo fali negosiu, balu trata dokumentus ba servisu iha estranjeirus, no balu tuir fali kursu lian Korea ninian.

Nunee mos Joana Menezes hanesan estudante ISC husi fakuldade edukasaun hatete, hanesan estudante, agora tama ona ba semester lima, iha ona planu, karik aban bainrua remata estudu kompete vaga ruma iha rai laran, karik la hetan oportunidade, diak liu kuidadu saude no trata dokumentus ba rai liur.

“Ita remata tiha iha uma deit mos ladun diak, karik ita nian governu liu husi SEFOPE fo oportunidade ba joven sira ba servisu iha Australia no Korea, nee ita koko took, tanba saida ema seluk bele ita labele,” tenik nia.

(jac)

LEAVE A REPLY

Please enter your comment!
Please enter your name here

NEWS UPDATE

Peringati HUT FALINTIL Ke-47, 3 Jenderal Dari 3 Negara Terima Penghargaan Dari Pemerintah TL

DILI, STLNEWS.co – Dalam rangka memperingati Hari Ulang Tahun (HUT)  FALINTIL ke-47 (20 Agustus 1975-20 Agustus 2022), pemerintah Timor Leste (TL) akan memberikan penghargaan “Medalha...

Presiden Ramos Horta Hadiri Peringatan HUT India Ke-75

DILI, STLNEWS.co – Presiden Republik Demokratik Timor Leste (RDTL), Jose Ramos Horta, didampingi Menteri Luar Negeri dan Kerja Sama Timor Leste, Adaljiza Albertina Xavier Reis...

Zeca Kria Rasik Kampu Trabalhu Ba Nia Aan

BOBONARU, STLNEWS.co - Joven ho naran Zeca Pereira inisiativa kria rasik kampu trabalhu ba nia aan liu husi loke kafetaria ho naran "Kaduak Kafe"...