MESSK Anunsiu Rezultadu Asesu UNTL

Ministeriu Ensinu Superior, Siensia no Kultura (MESSK) anunsiu ona rezultadu prosesu asesu ba ensinu superior publiku ba estudante foun tinan akademiku 2021, neebe implementa ona husi MESSK. (Foto: STL/Blandina Mauno)

DILI, STLNEWS.co – Ministeriu Ensinu Superior, Siensia no Kultura (MESSK) anunsiu ona rezultadu prosesu asesu ba ensinu superior publiku ba estudante foun tinan akademiku 2021, neebe implementa ona husi MESSK.

Liu husi Komunikadu Imprensa, neebe halao iha Infordepe Balide, Dili, Sesta (05/02/2021), Diretora Jeral Ensinu Superior no Siensia, Maria Filomena Lay hatete, prosesu ida nee hahu ho aprovasaun Diploma Ministerial N.0 32/2020, 16 Setembru, liu husi Diploma nee fo kompetensia ba Comissao de Acesso ao Ensino Superior (CAES), hodi responsabiliza ba atividade hotu-hotu relativa ba Asesu Ensinu Superior publiku.

Hafoin realiza prosesu asesu ba ensinu superior publiku ba tinan akademiku 2021, MESSK ohin anunsia, ho forma jeral, rezultadu final ba rejime rua hanesan rejime jeral fo oportunidade ba finalista husi Ensinu Sekundariu Jeral (ESJ) no Ensinu Sekundariu Tekniku Vokasional (ESTV).

Nia hatutan ho rezultadu final mak hanesan numeru total estudante finalista sira husi ESJ no ESTV rihun rua nulu resin tolu atus sia ualu nulu resin ualu (23.988), neebe priense “Boletim Eskolla Departamentu sira” rihun rua nulu resin tolu atus haat neen nulu (23.460), no atus lima rua nulu resin ualu (528) husi total finalista Ensinu Sekundariu maka 13 priense Boletim, numeru estudante sira neebe admitidu ba UNTL no IPB ho total numeru rihun haat hitu nulu resin lima (4.075), husi numeru ida nee, rihun tolu atus ualu neen nulu resin lima (3.865) ba UNTL no atus rua sanulu (210) ba IPB.

Numeru estudante finalista sira husi ESJ no ESTV, neebe Ia admitidu ba ensinu superior publiku liu husi rejime jeral, total estudantes hamutuk rihun sanulu resin sia, atus tolu ualu nulu resin lima (19,385).*

Reportajen: Blandina Mauno/ESTTO
Editor: Ekipa STL

LEAVE A REPLY

Please enter your comment!
Please enter your name here