MF Konklui Pagamentu Sesta Bazika

DILI, STLNEWS.co – Ministeriu Finansas (MF) to’o iha loron 9 fulan Setembru tinan 2021, konklui ona pagamentu sesta bazika ho montante millaun US$ 63,5 ba kompania fornesedor hamutuk atus ida ualu nulu resin ualu (188) neebe estabelese ona kontratu ho ministeriu implementador sira.

Tuir press release neebe STL simu iha loron Sesta nee (10/09/2021) katak, MF konklui ona pagamentu ba kompania distributor sesta baziku, kompania hirak nee realiza hafoin Sekretariadu Tekniku Fundu Covid-19, Ministeriu Finansas simu pedidu pagamentu husi Ministeriu Turizmu, Komersiu no Industria hamutuk millaun US$ 29,5 ba kompania lokal hitu nulu resin rua (72), Sekretariu Estadu Kooperativa ho valor millaun US$ 20,2 ba kompania rua nulu resin haat (24), Sentru Lojístika Nasional ho valor millaun US$ 8,4 ba kompania neen nulu resin ida (61) no Ministeriu Agrikultura no Peskas ho valor millaun US$ 5,2 ba kompania lokal hamutuk tolu nulu resin ida (31).

Kompania fornesedor hirak nee mos kumpre ona sira nia dever hodi selu impostu rendimentu 0,5% husi sira nia total pagamentu ba Autoridade Tributaria, Ministariu Finansas ho total kontribuisaun impostu hamutuk US$ 317,5 mil. Inisiativa kompania lokal kumpre sira nia dever nee, fo mos kontribuisaun ba iha taxa ezekusaun governu, liu – liu iha parte ezekusaun reseita domestika neebe to’o iha loron 31 fulan Agostu tinan 2021, atinje ona millaun US$ 96,6 ka 52% husi total estimativa reseita millaun US$ 187,1.

Bazeia ba relatoriu husi Ministeriu Koordenador Asuntu Ekonomiku too iha fulan Agostu tinan 2021, benefisíariu sira neebe mak simu ona Sesta Bazika hamutuk ema millaun ida rihun atus haat resin, ka 98% husi total benefisíariu hamutuk ema millaun ida rihun atus lima.

Ba oin, distribuisaun Sesta Bazika ba reklamante rihun 25 resin iha territóriu nasional sei lao tuir kalendariu neebe mak trasa ona husi Ministériu Koordenador Asuntu Ekonómiku hamutuk ho Ministériu Implementadór sira.

Ministeriu Finansas hakarak atu akresenta katak, molok realiza pagamentu, kompania sira tenke nafatin kumpre sira nia dever hodi selu sira nia impostu rendimentu 0,5% husi sira nia total rendimentu konforme Lei Tributaria haruka. Kompania sira tenke aprezenta resibu pagamentu impostu rendimentu ba Sekretariadu Tékniku Fundu Covid-19 atu nunee bele realiza pagamentu.*

Reportajen: Madalena Horta

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL Setembru: Kazu Pozitivu 32 & Rekuperadu 83

DILI, STLNEWS.co - Sentru Integradu Jestaun Krize (SIJK) ohin relata kazu pozitivu iha ema nain 32 no rekuperadu hamutuk 117. "Kazu detetadu foun neebe relata ohin loron...

MTKI Loke Kompetisaun Pintura

DILI, STLNEWS.co - Ministeriu Turizmu Komersiu no Industria (MTKI), liu husi Diresaun Nasional Emprendismo ba Atividade Produtus Turistiku organiza kompetisaun pintura ba joven sira. Grupu...

Remata Nia Misaun Iha TL, Sitorus Despedida Ho WNI

DILI, STLNEWS.co – Embaixador Indonezia ba Timor Leste (TL), Sahat Sitorus ho nia espoza Bintang Vera C. Sitanggang, neebe durante tinan 4 ho balun...
%d bloggers like this: