Migrasaun Hatama Reseitas Tokon Ida

Diretor Jeral Servisu Migrasaun, Superintendente Asistente Polisia Luis Bareto informa, durante tinan 2020 Migrasaun hatama reseitas ba kofre estadu ho montante tokon ida resin. (Foto: Serviços Relações Públicas)

DILI, STLNEWS.co – Diretor Jeral Servisu Migrasaun, Superintendente Asistente Polisia Luis Bareto informa, durante tinan 2020 Migrasaun hatama reseitas ba kofre estadu ho montante tokon ida resin.

“Reseitas neebe konsege rekolla iha tinan 2020 nian kuaze miliaun ida resin, kontrola ba iha fronteitra ka movimentu tama sai nian, maka tama iha 52.392 pesoas, nomos momentu sai nian kuaze ema 51.634, tokon ida nee mai husi postu fronteiras sira neebe mak autoriza hanesan Batugade, Salele, Sakato, nomos atendimentu iha diresaun jeral nomos Aeroportu i Portu,” dehan Diretor Jeral Luis ba jornalsita sira, liu husi konferensia imprensa iha nia knaar fatin Ministeriu Interior, Vila Verde, Dili, Kinta (14/01/2021).

Nia dehan, servisu migrasaun iha tinan 2020 konsege prosesu atendimentu ba prosesu vistu kuaze 9748, prosesu ba vistu neebe maka ema estranjeiru sira hatama, no sira nia aplikasaun no prosesu ba vistu turista, vistu traballu, vistu estar temporariu, ho autorizasaun prezidensi. Depois durante estadu emerjensia iha prosesu atendimentu ba sidadaun estranjeiru neebe mak mai prosesu iha EE nia laran total 7218.

Kona ba atendimentu iha fronteira neebe maka tama ilegal, no ida neebe maka konsege fo ba iha migrasaun parte UPF kaptura depois intrega ba iha migrasaun hodi halo prosesu migrasaun nian maka total 58 pesoas, kompostu husi mane 47 nomos feto nain 11, maioria Timoroan deit. Konaba viola vistu iha tinan 2020, nian iha prosesu sira nee hotu bazeia ba lei migrasaun 11/2017.

“Sim iha prosesu nee iha rua balun selu multas bainhira nia selu multas sei fo tempu ba nia hodi bele halo extende nia vistu, no balun neebe mak la konsege selu multas, ho ida nee foti desizaun fo ba nia hodi voluntariu sai husi teritoriu nasional. Reseita ohin neebe maka hau temi ona husi vistus neebe mak mai halo prolongasaun nomos ba viola vistu i mo ba ema neebe mak tama fronteira ilegal, bazeia ba dekretu lei neebe mak estadu emerjensia nian, kuandu tama legal foti sensaun multas $30 ate $200.

Neebe maioria nee barak mak selu deit $30, tuir lei migrasaun numeru 11.2017,” dehan nia.*

Reportajen: Efizenia da Costa
Editora: Carme Ximenes

LEAVE A REPLY

Please enter your comment!
Please enter your name here