Ministru Interior Orienta Komandu PNTL Atu Revitaliza Fali Formatura Diaria

DILI, STLNEWS.co – Primeiru-Ministru no Ministru Interior, Taur-Matan Ruak, orienta Vise-Ministru Interior, Antonio Armindo, hodi halo enkontru urjente ho Komandante Jeral PNTL, Komisariu Polisia Faustino da Costa no Komandante Operasaun, Superintendente Xefi, Pedro, Belo enkontru hodi reforsa konsolidasaun kadeia komandu no kontrolu iha PNTL no asegura profesionalizmu no disiplina institusional.

Liu komunikadu imprensa neebe STL asesu iha Sabado ( 19/06/2021) nee, Vise Ministru Interior, Antonio Armindo hatete, orientasaun husi Primeiru Ministru ba kualidade hanesan Ministru Interior, konvida Komandante Jeral PNTL no Komandante Operasaun mai enkontru ho hamutuk ho asesor sira, hodi fo orientasaun ba Komandu Jeral hodi implementa regras neebe governu desidi ona.

“Ohin ita konvida Komandante Jeral PNTL no Komandante Operasaun mai enkontru ho ita hamutuk ho asesor sira, hodi fo orientasaun ba Komandu Jeral hodi implementa regras neebe Guvernu desidi ona iha Konsellu Ministru, atu halo servisu tuir rezolusaun neebe maka Guvernu dekreta ona katak, sidadaun sira neebe maka hetan ona vasina dala rua, nia bele halo movimentu livre inkui mos labarik sira neebe maka idade tinan 6 mai kraik, maske nune sidadaun hotu nafatin tenke kumpre regra hanesan uza maskara, kumpre distansia sosial no distansia fíziku. Maibe presija nafatin kria koordenasaun diak ho autoridade lokal nunee kontinua halo sensibilizasaun informasaun nee ba iha komunidade sira iha neebe la asesu ba informasaun,” esplika Antonio Armindo, hafoin remata enkontru nee iha Vila-Verde, Sesta nee.

Nia dehan, wainhira sidadaun sira neebe maka kompleta ona vasina dala rua, bele halo movimentu livre, maibe presiza deit hatudu prova vasinasaun hanesan sertifikadu vasinasaun no la presiza husu autorizasaun hosi Sentru Integradu hodi viajen tama-sai fatin neebe deit iha territoriu nasional.

“Asuntu seluk husi PM nia hanoin neebe Komandu PNTL tenke halo maka, hadia sira nia mekanizmu kontrolu iha instituisaun laran, em termu de kontrolu disiplinar, disiplina uza armas no fo orientasaun ba Departamentu Justisa PNTL halo nia knar tun ona ba terenu halo inspesaun no kontrolu hodi ezekuta misaun sira neebe iha relasaun ho justisa no kestaun disiplinar nian,” dehan nia.

Governante nee informa, nia simu orientasaun neebe PM fo, atu bele revitaliza fali formatura diaria iha nivel komandu PNTL hotu hodi hahu hadia dadauk ona instituisaun nia profisionalizmu tanba iha membru balu maka ladun iha disiplina, nunee Departamentu Justisa tenke halo kontrola ba membru PNTL hotu-hotu nia partisipasaun no pontualidade inklui prosesu legal neebe envolve membru PNTL liu-liu iha relasaun ho administrasaun justisa nian no disiplina nian.

Governante nee esplika, proposta estatutu foun PNTL lori prosesu diskusaun naruk uitoan, tanba Governu hakarak hadia prosesu tomak iha PNTL bele implementa hodi fo susesu ba serbisu tomak iha Komandu PNTL, enkuantu proposta estatutu foun nee revee dala rua ona iha versaun ikus no iha tempu badak sei aprezenta ba Konsellu Ministru.*

Reportajen: Efizenia da Costa
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Covid-19 Update (26 Jullu 2021): Pozitivu 6, Rekoperadu 45, & Ativu 656

DILI, STLNEWS.co - Loron 26 fulan Jullu liu Centro Integrado Gestão de Crises, Sala Situação (CIGC-SS) rejistu kazu pozitivu Covid-19 iha nain 6, Dili...

Demisaun Membru PNTL 3, PN Rekonese Bazeia Ba Regulamentu

DILI, STLNEWS.co - Parlamentu Nasional (PN) liu husi komisaun B neebe trata asuntu defeza seguransa no negosiu estranjeiru rekonese demisaun membru Polisia Nasional Timor-Leste...

Komisaun F Seidauk Aprova Projetu Lei Protesaun Ba Labarik

DILI, STLNEWS.co - Parlamentu Nasional (PN) liu husi Komisaun F trata asuntu Saude, Seguransa Sosiais no Igualidade Jeneru, seidauk aprova projetu lei protesaun labarik...
%d bloggers like this: