Misa Ikus Ba 2020, Misa Ho Triste

Amu Bispo Diocese Dili Dom Virgilio do Carmo da Silva SVD. (Foto: STL/Claudios de Jesus)

DILI, STLNEWS.co – Luis de Almeida, hanesan sarani ida neebe maka partisipa misa 31 Dezembru 2020 kalan, hodi husik hela tinan 2020, sente triste no tauk amba sempre kontrola husi parte siguransa nian.

Misa 31 Dezembru 2020 kalan, neebe hahu iha 08:00 Otl kalan, hanesan misa da ikus ba sarani sira hotu iha 2020 nian, hodi husik hela tinan tuan, hodi bele simu hikas tinan foun 2021.

Situasaun iha missa nee tuir observasaun jornalista STL iha Katedral, neebe mak Amu Bispo Diocese Dili Dom Virgilio do Carmo da Silva SVD, diriji la hanesan babain, tamba la partisipa masimu husi sarani sira hotu.

Relasiona ho situasaun hirak, tamba antes nee Arcebispo fo sai ona husi Konferensia Episkopal, iha dia Kuarta (30/12/2020).

Katak hare ba situasaun Covid-19 neebe mak iha, Episkopal Timorense, fo orientasaun no desizaun oinsa atu selebra tinan foun, “Sarani Sira hotu sei tuir selebrasaun missa iha ida-idak nia husi uma, hodi akompanha misa husi radio no mos televizaun,” dehan Dom Virgilio.

Foto: STL/Claudios de Jesus

Tuir observasaun jornalista STL nian iha tereinu nota katak, iha sarani balun mai partisipa maibe, sarani sira nee hotu tenke uza hotu maskra, no mos kumpri distansiamentu sosial, no ba sira neebe mak la uza maskra husi parte seguransa nian tantu husi Polisia Nasional Timor Leste (PNTL), no mos Siguransa de Igreza (Eskuterio), sei duni sai sira.

Tantu kontrola maskra parte seguransa mos halo kontrola ba distansiamentu sosial, kontrolu husi parte seguransa iha Misa kalan nian iha Igreja Katedral apertadu tebes, tamba deit antisipasaun ba transmisaun virus Covid-19.

Aliende nee, Luis de Almeida hateten, hanesan sarani nia sente triste tamba selebrasaun ba tinan nee, la hanesan ona tinan babain.

“Ita mai hare ba igreja laran mamuk, no Ita lao mos la fiar an tamba tauk, ho situasaun ida nee halo ita la sente kontenti hanesan tinan babain neebe Ita liu ona” hateten nia ba jornalista depois misa ramata, Kinta (31/12/2020).

Iha biban nee mos, Luis de Almeida hatoo nia esperansa ba tinan foun nian, atu mundu tomak bele ultrapassa situasaun covid nian, ho nunee iha tinan oin mai selebrasaun misa ba tinan foun la hanesan ona tinan ida nee.

Reportajen: Claudios de Jesus
Editor: Ekipa STL

LEAVE A REPLY

Please enter your comment!
Please enter your name here