Misa Requiem Ba Matebian Bruder Richard

DILI, STLNEWS.co – Familia Misionariu Claretiano hafalun ho tristeza, tanba lakon Bruder Richard CMF, ema neebe diak durante nee dedika nia an tomak ba uma kreda iha Timor Leste, liu husi nia misaun liu – liu iha area edukasaun nian.

Bruder Richard CMF moris iha Selmer, Tennessee, Estadu Unidus Amerika husi aman William no inan Ruby Chalker. Bruder hakat ain mai Timor Leste iha loron 12 Jullu 2019, hanorin iha materia ingles.

Missa requiem nee prezide husi Arsebispu Metropolitana ba Arquediocese Dili, Dom Virgilio do Carmo da Silva SDB, akompana husi Amu Vigariu Parokia Sao Jose Aimutin, Pe. Cris Dodok, Amu Paroku Aimutin, Delegadu Superior Claretiano iha Timor, Agosto Kampus, Pe. Emanuel Lelo Talok,  Pe. Carlito Amu Paroku Santo Antonio Motael, Pe. Guilhermino da Silva, nomos Padres husi kongresaun oin – oin.

Liu husi omilia, Arsebispu Dom Virgilio hatete ba familia Claretiano ninian, neebe besik los ba Bruder Richard iha esperensia furak kmanek oin – oin no moris hakarak hatete, tau neon katak rai Timor ohin loron rai ida neebe maioria fiar katolika buras beibeik iha rai ida nee.

“Ita nia rain deve tebes misionariu sira, koko no haree dala ida tan moris misionariu ida nian, tinan tolu iha Timor liu – liu area edukasaun primeiru iha ninia kongresaun rasik iha Hera neebe haknaar an durante tinan 2 resin,” lia fuan murak nee Arsebispu Metropolitana ba Arquediocese Dili, Dom Virgilio do Carmo da Silva SDB, liu husi omilia bainhira prezide missa requiem ba matebian Bruder Richard iha Igreja Aimutin, Sesta (20/08/2021).

Bibi Atan Uma Kreda nian hatete, nia mos latahan ba ninia kongresaun deit, maibe lolo liman mos ba igreja lokal hodi hanorin mos ISFIT Fatumeta durante tinan hirak nia laran, aleinde nuudar misionariu, nuudar konteudu neebe nia hanorin.

Dom Virgilio husu duni Pe. Emanuel dehan nia hakarak halai lalais, tanba nia lakoi atu tarde maske amu sira dehan oferese kareta ba Bruder atu uza mos lakoi, nia hakarak uza motor atu nunee too lalais ba fatin neebe nia atu hanorin.

Partisipa missa requiem ba matebian Bruder Richard nee husi Madres kongresaun oin-oin, seminarista, estudante ISFIT, Akolitus Aimutin, inklui sarani Parokia Sao Jose Aimutin.*

Reportajen: Joaninha Belo

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL Setembru: Kazu Pozitivu 32 & Rekuperadu 83

DILI, STLNEWS.co - Sentru Integradu Jestaun Krize (SIJK) ohin relata kazu pozitivu iha ema nain 32 no rekuperadu hamutuk 117. "Kazu detetadu foun neebe relata ohin loron...

MTKI Loke Kompetisaun Pintura

DILI, STLNEWS.co - Ministeriu Turizmu Komersiu no Industria (MTKI), liu husi Diresaun Nasional Emprendismo ba Atividade Produtus Turistiku organiza kompetisaun pintura ba joven sira. Grupu...

Remata Nia Misaun Iha TL, Sitorus Despedida Ho WNI

DILI, STLNEWS.co – Embaixador Indonezia ba Timor Leste (TL), Sahat Sitorus ho nia espoza Bintang Vera C. Sitanggang, neebe durante tinan 4 ho balun...
%d bloggers like this: