MJSD Propoin Assanami Kandidatu Ba PR

DILI, STLNEWS.co – Movimentu Juventude no Sosidade ba Demokrasia (MJSD), propoin Prezidente Partidu Demokratiku (PD) Mariano Assanami Sabino, atu kondidatu an ba Prezidente Republiku tinan 2022 – 2027.

“Ami Movimentu Juventude Sosiedade ba Demokrasia, husu ba Mariano Assanami Sabino, atu bele kandidatu an ba Presidente Republika tinan 2022 – 2027, ami nia apoiu total ba ita boot nia kandidatura, hodi bele fo esperansa ba povu nia espetativa, ami sei mobiliza, fo sira komponente hotu – hotu hodi fo vitoria ba ita no vitoria ba Timor Leste,” dehan Portavos Movimentu Juventude Sosiedade ba Demokrasia, Eugeniodos Santos Menezes ba jornalista sira iha jardin 5 de Maiu, Kuarta nee (22/9/2021).

Nia hatete, haree ba situasaun neebe Timor Leste hasoru, hahu husi tinan 2017 ate ohin loron, tuir observasaun, orgaun estadu sira nia funsionamentu hahu mihis no lakon nia identidade, ba salva gurada konstituisaun no garantia ba bein estár povu nian komesa dizparaliza iha sosiedade nia leet.

Maske nune, Timor Leste atu tama hikas ona ba iha siklu elisaun presidensial tinan 2022 no elisaun parlamentar tinan 2023, ami hahu rejista ona ema individu balu, komesa hahu kandidata an ona, nomos ema balu liu husi Partidu Politika sira, deklara ona hodi sai kandidatura ba Presidente Republika tinan 2022 – 2027.

Iha fatin seluk, tuir Deputada Bankada PD Elvina Souza dehan “primeiru lugar hau hanesan kuadru Partidu PD, sente orgollu no kontete, bainhira iha grupu Juventude Sosiedade Demokratiku no grupu ida neebe deit, mak propoin ami nia prezidente atu sai kandidatu ba iha Prezidente Pepublika,” dehan nia.

“Iha ami nia estatutu hatete katak, ami sei iha konvensaun hodi bele deside, maibe ate agora ami seidauk iha konvensaun para deside, sese mak atu sai kandidatura ba iha PR,” tenik nia.

Nia afirma, maibe primeiru lugar hakarak apresia ba grupu neebe mak kandidatu, ami nia prezidente partidu ba iha elisaun PR.*

Reportajen: Domingas Soares

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Membru F-FDTL Foun Ida Halai Lakon

DILI, STLNEWS.co - Membru foun FALINTIL Forsa Defeza Timor Leste (F-FDTL) ida ohin halai lakon iha sentru formasaun Metinaro tanba la augenta ho instrusaun...