MNEC Husu Diplomata TL Iha Estranjeiru Implementa Serbisu Tuir Programa

DILI, STLNEWS.co – Governu liu husi Ministeriu Negosiu Estranjeiru no Kooperasaun (MNEC) husu diplomata Timor Leste neebe dadaun nee iha estranjeiru, atu halo serbisu tuir programa neebe VIII governu konstitusional iha.

Kestaun nee Ministra Negosiu Estranjeiru no Kooperasaun (MNEC), Adaljiza Magno hatoo wainhira halo video konferensia ho diplomata Timor Leste sira neebe dadaun reprezenta governu iha estranjeiru.

Tanba nee MNEK realiza enkontru virtual Konsellu Konsultivu, Coordinating Board Meeting (CBM) ka reuniaun koordenador ba direjente sira nian, durante loron rua, 27 too 28 fulan Maiu 2021 ho forma virtual, ho embaxador sira iha liur, objetivu hodi enkoraja sira hodi halo servisu ba prioridade neebe agora governu iha.

Nia haktuir, konteudu husi reuniaun ida nee, MNEK tenki halo tinan-tinan, normalmente kuandu situasaun permite embaxador sira iha rai liur tenki mai halo enkontru iha nee kada tinan, atu hetan orientasaun husi Ministeriu Negosiu Estrajeirus, nee hanesan obrigasaun ida sira tenki halo, Maibe tanba situasaun akontese iha pasadu tinan lima ona MNEK la konsege organiza CBM, maske la situasaun agora halo sira la too mai iha nee, maibe tenki liu husi virtual hodi haforsa liu tan servisu.

“Tinan nee ami halo, hafoin sira labele halo viajen mai, tanba nee ami halo deit atravez virtual, ka video konferense, objetivu atu fo informasaun situasaun atual rai laran nian, hafoin fo orientasaun embaixadores no xefe misaun sira hodi halo servisu ba prioridade neebe Governu agora iha,” dehan Ministra Adaljiza Magno, hafoin reuniaun virtual ho embaxaidor sira iha rai liur, iha Salaun Suai Room, Timor Plaza, Kinta (27/05/2021)

Nia salienta, enkontru konsellu konsultivu (CBM) nia funsaun hodi formula, koordena no mos nudar forum ida hodi observa no avalia servisu iha rai-laran tantu misaun iha rai liur.

Entretantu iha sorumutuk nee, organiza husi Ministra Negosius Estranjeirus no Kooperasaun, Adaljiza Magno akompaña husi Vise-MNEC, Juliao da Silva, hodi prejide enkontru konsellu konsultivu CBM nee neebe partisipa husi Ministru Finansas Rui Augusto Gomes no Sekretariu Ezekutivu CPLP Zacarias Albano, inklui Sekretariu Jeral-MNEC, Diretores Jeral sira, no Xefe Misaun, Charge, Affaires, Konsulta Jeral Ajente Konsulta, Inspetor Jeral, Koordenador Insitutu Estudus Diplomatiku MNEC nia no Diretor Ezekutivu sira iha MNEC.

Reportajen: Alberto Menezes
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Reativa Eskola Iha Baucau Sei Marka Audensia Ho MEJD

BAUCAU, STLNEWS.co - Diretor Servisu Munisipal Edukasaun, Juventude, no Desportu (SMEJD) Baucau, Segunda semana oin sei marka audensia ho Ministeriu Edukasaun, Juventude, no Despostu...

Komunidade Hakbesik An Ba Parte Saude Hodi Simu Vasina

DILI, STLNEWS.co - Komunidade aldeia hat iha Suku Zulo, Postu Administrativu Zumalai, Munisipiu Covalima hakbesik an ona ba saude hodi simu vasina doze primeiru...

ETDA Rejistu Estudantes 670

DILI, STLNEWS.co - Hahu iha fulan Janeiru too fulan Fevereiru 2021, sentru formasaun East Timor Development Agency (ETDA) rejistu estudantes hamutuk 670, maibe ema...
%d bloggers like this: