MNEK Briefing Preparasaun Simeira CPLP Ba Lú Olo

DILI, STLNEWS.co – Ministra Negosiu Estranjeiru no Kooperasaun (MNEK), Adaljiza Magno hatete, ohin halo briefing ho Prezidente Republika Francisco Guterres Lú Olo konaba preparasaun Timor Leste nian iha Simeira Comunidade dos Países da Língua Portuguesa (CPLP) iha Luanda.

Ministra Negosiu Estranjeiru no Kooperasaun (MNEK), Adaljiza Magno hatoo kestaun nee ba jornalista bainhira Remata hasoru malu ho Prezidente Republika (PR) iha Palasiu Prezidente, Bairru Pite, Sesta (02/07/2021).

“Ami ohin mai briefing señór Prezidente kona-ba preparasaun ba Simeira CPLP nian iha Luanda, ami briefing kona-ba assuntus hotu-hotu, liu liu ba preparasaun ba lema ka tema neebe mak Angola sei uza i depois mos kona-ba planu saida mak ita hakarak deklara iha neeba ou anunsiu iha pozisaun Timor Leste nian” hatete Ministra Adaljiza.

Nia hatete, nia labele divulga maibe kuandu sasan hotu prontu ona mak sei fo hatene konaba pozisaun Timor Leste nia.

Nia mos hatutan, importante para TL atu hatene katak iha Simeira sei aprova mos kona-ba lema foun husi Prezidensia Angola nia mak liu-liu sei fokus ba asuntus ekonomiku neebe mak sei haree ba kooperasaun ekonomia nian.

Iha biban nee, Prezidente Republika (PR), Francisco Guterres Lú Olo aseita ho proposta sira neebe mak MNEK hatoo. No semana oin Timor Leste aranka hodi partisipa iha Simeira CPLP.*

Reportajen: Emerenciana Pinto
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Covid-19 Update (29 Jullu 2021): Numeru Pozitivu Kontinua Aas Iha Ermera

DILI, STLNEWS.co - Loron Kinta (29/07/ 2021), Centru Integradu Gestão de Crises, Sala Situação (CIGC-SS / SS-SIJK) rejistu tan kazu konfirmadu pozitivu Covid-19 hamutuk...

Nobel da Paz Prepara Materia Ba Ezame

DILI, STLNEWS.co - Eskola Ensinu Sekundariu Nobel da Paz, prepara ona materia ba estudante sira, atu tuir ezame segundu periodu ano letivu 2021, neebe...

IFFS Reativa Aula Prezensial

DILI, STLNEWS.co - Reitor Instituto Filosofico Sao Francisco de Sales (IFFS), Pe. Manuel Pinto hatete, reativa aula prosesu aprendizajen, tanba lakon tempu barak ona...
%d bloggers like this: