MNEK Rekonese Liborio Ba Estranjeiru Halao Servisu Estadu

DILI, STLNEWS.co – Vise Ministru Negosiu Estranjeiru no Kooperasaun (MNEK), Julião da Silva, rekonese eis Prezidente Komisaun Funsaun Publiku Liborio Pereira ba estranjeiru, atu halao servisu estadu nian no MNEK mak haruka.

Vise Ministru Julião da Silva hato’o kestaun nee ba jornalista iha Palasiu Prezidente Bairru Pite, Kinta nee (11/11/2021).

 “Sim Ministeriu Negosiu Estranjeiru mak haruka ba, ita boot sira haree hau kuandu lee media sira fo sai dehan tribunal hateten, failansu iha fali komunikasaun entre MNEK ho Ministeriu Publiku, ita boot sira hatene MNEK laos ba tesi lia, neebe komunikasaun nee tenke iha tribunal ho Ministeriu Publiku nee láos MNEK nia servisu, nee primeiru. No segundu fallansu nee iha tribunal ho Ministeriu Publiku, tanba saida MNEK hanesan instituisaun estadu, imposivel fo autorizasaun ba ema neebe kuandu hetan hela Termu Identidade Rezidensia (TIR) nee imposivel,” dehan nia.

Vise Ministru nee hatutan, se kuandu tribunal fo TIR ona, ninia pasaporte automatikamente nee tribunal foti ou Ministeriu Publiku detein tiha ona nia pasaporte, nee para labele halao viajen ba estranjeiru. Mas agora se ema ida kuandu bele halo viajen ona, purke desizaun tribunal nee klaru tiha ona no entrega ona ninia pasaporte diplomata, pasaporte servisu ba ona iha ministeriu relevante ou sidadaun se deit.

“Mas kuandu ema nee bele halo viajen purke nia laiha ona problema legal ka ho tribunal laiha ona  neebe tuir ami nia hatene katak, seidauk manda karta ba iha Ministeriu Publiku ou Ministeriu Publiku mak seidauk manda karta nee ba iha imigrasaun para hodi hateten katak sidadaun refere nia livre ona husi aktus saida deit mak tribunal hatun, nia atu ba halao servisu ministeriu ninian, akompana ministra halao servisu estadu nian,” katak nia.

Iha loron hirak liu ba Komando Polísia Nasional Timor-Leste (PNTL) liu husi Servisu Investigasaun Kriminal (SIK), kaptura eis Prezidente Komisaun Funsaun Publiku (CFP – sigla portugues), Liborio Pereira iha ninia servisu fatin Ministeriu Negosiu Estranjeiru no Kooperasaun (MNEK).

SIK halao detensaun nee ba Liborio Pereira ho baze ba ezekusaun mandadu detensaun primeiru interrogatoriu Tribunal Distrital Dili (TDD) ho NUC 0077/17.PGGCC. Deskonfia envolve iha kazu krime partisipasaun ekonomia liu husi negosiu neebe kontra kodigu penal Timor-Leste, artigu 299 konaba ninia envolvimentu partisipasaun ekonomia, bainhira asume knaar nuudar Prezidente CFP iha tinan 2017.

Maibe loron Domingu (07/11/2021) TDD absolve Liborio, tanba problema aeroportu no iha failansu husi MNEK no Ministeriu Publiku.

(eme)

LEAVE A REPLY

Please enter your comment!
Please enter your name here

NEWS UPDATE

Analfabetu Oan Sai Doutoramentu

DILI, STLNEWS.co – Maluk letores sira, serimonia Solene Graduasaun Dili Institute of Technology (DIT) ba dala XIV periodu tinan 2021, konvida ita atu konese...

Dr. Peregrinus D. Siga Taa, M. Eng: Kualidade Servisu Infrastrutura Publiku Fraku

DILI, STLNEWS.co – Dekanu Fakuldade Enjeñaria no Siensia Dili Institute of Technology (DIT), Dr. Peregrinus D. Siga Taa, M.Eng, hatete, kualidade servisu infrastrutura publiku sei...

DIT Gradua Finalista 543 Inklui MBA Nain 6

DILI, STLNEWS.co – Dili Institute of Tecnhology (DIT) Segunda nee (29/11/2021) halao serimonia graduasaun ba dala XIV periodu tinan 2021, ho graduadus hamutuk ema...