DILI, STLNEWS.co – Movimentu Feto Foinsae (MOFFE) realiza dialogu intergenerational entre juventude partidu politiku (Parpol) sira, ho lideransa juventude neebe mak asume kargu politiku ho tema demokratiku no inkluzivu iha Timor Leste.
Iha biban nee, Diretora MOFFE, Yasinta Lusina liu husi diskursu iha salaun Tower Fatuhada, Kuarta (23/08/203) hatete, objetivu dialogu nee atu oferese oportunidade ba juventude sira potensial partidu nia, atu aprende hetan esperensia nomos simu lisaun husi lider juventude sira neebe mak iha esperensia assume kargu politiku importante sira iha orgaun ezekutiva no lejislativu.
Objetivu segundu kria espasu ba dialogu entre juventude potensial partidu politiko sira no lider juventude sira hodi koalia ba malu fahe esperensia konaba problema no isu sira nebee mak hasoru liga ho knaar neebe mak iha, no oinsa rejolve no ultrapasa situasaun sira neebe sira infrenta.
“Programa ida nee ita realiza liga ho projetu ida ami bolu dehan ba eleisaun ida neebe mak demokratiku, organizasaun MOFFE fokus liu ba juventude no feto ba iha implementasaun ba iha programa ida nee, ami foka liu ba iha servisu ba iha empodera maluk foinsae sira iha partidu polititu,” katak nia.
Nia afirma, atividade balun liu tiha ona iha tinan ida nee, iha atividade formasaun neebe halo ba juventude sira iha partidu politiku neebe mak kompete ba iha eleisaun parlamentu nia no liu liu ba sira neebe mak tama iha lista kandidatura.
(eme)
