MOP Realiza Enkontru Ho Ajensia Sira Evalua Planu No Ezekusaun Orsamentu Ba Projetu Iha 2021

DILI, STLNEWS.co – Ministru Obras Publikas (MOP), Salvador Pires realiza enkontru ho ajensia sira hanesan Diresaun Jeral Administrasaun Finansas (DJAF), Diresaun Jeral Obras Publikas (DJOP), Diresaun Jeral Habitasaun no Urbanizmu (DJHU), inklui Institutu Jestaun Ekipamentu (IJE) hodi atualiza ezekusaun planu no programa programadu iha Orsamentu Jeral Estadu (OJE) tinan fiskal 2021 nian, liu liu liga ho projetu estrada no ponte.

Tuir MOP, enkontru koordenasaun nee hanesan enkontru ida neebe mak MOP halao hodi atualiza ezekusaun projetu sira,hanesan identifika problema no defikuldade neebe iha hodi buka solusaun iha lina interministerial liu liu koordenasaun ho Ajensia Dezenvolvimentu Nasional (ADN).

“Enkontru semanal neebe ami halo para koordena ho ami nia diresaun jeral tolu, mak hanesan Diresaun Jeral Administrasaun no Finansas, Diresaun Jeral Obras Publikas no Diresaun Jeral Habitasaun no Urbanizmu inklui Institutu Jestaun Ekipamentus hodi koalia kona ba progressu implementasain projetu sira neebe mak orsamenta ona iha Orsamentu Jeral 2021,” dehan Salvador Pires iha Hotel Novu Turismu,Tersa (13/07/2021).

Tanba nee governante nee husu ba ekipa tekniku liu liu Diresaun Jeral Obras Publikas liu husi Diresaun Nasional Estrada Ponte no Kontrollu i Seias (DNEPCC) hamutuk ho ADN hodi kontinua prosesu dezenu ba projetu konstrusaun estrada munisipa husi postu administrativu Laga ba Baguia neebe daudauk nee iha faze final, nunee bele implementa iha tinan ida nee, tanba orsamentu ba projetu orsamenta ona iha OJE 2021.

“Foin daudauk hau ba vizita estrada munisipal sira balun hanesan Laga Baguia neebe nia prosesu dezenu tama ona iha esbosu final i hau husu hela ekipa sira sei servisu hamutuk ho ADN para atu bele dudu prosesu nee avansa ba faze final para atu ita halo pagamentu, ita lori ba KAFI para atu komesa fo sai tenderizasaun, nunee tinan nee ita konsege bele ona mobiliza, fo ona inisiasaun ba konstrusaun estrada sira nee,” dehan nia.

Aleinde nee iha pakote estrada hamutuk 12 mak hanesan Uakala Kelikai, Uatulari-Laisorulai, Mantuto-Laklo, Aileu-Lekidoe, Aileu-Gleno, depois estrada urbana Maliana nian no seluk tan, nee pakote 12 neebe MOP halo, enkuantu agora ponte mak hanesan ponte Samalari, ponte iha Kelikai, ponte Kumoro Mota Ulun, Ponte Maloa, no sira nia dezenu MOP haree hela para koordena ho ekipa atualiza prosesu sira nee tuir atuasaun servisu neebe sira halo.

Partisipa iha enkontru nee mak, Diretor DJAF, Januário Patrício Barbosa, Prezidente IJE, Hermenegilda da Costa Laurentina, Diretor Nasional Xefe Departamentu sira, inklui tekniku no assesor sira.*

Reportajen: Alberto Menezes
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Covid-19 Update (26 Jullu 2021): Pozitivu 6, Rekoperadu 45, & Ativu 656

DILI, STLNEWS.co - Loron 26 fulan Jullu liu Centro Integrado Gestão de Crises, Sala Situação (CIGC-SS) rejistu kazu pozitivu Covid-19 iha nain 6, Dili...

Demisaun Membru PNTL 3, PN Rekonese Bazeia Ba Regulamentu

DILI, STLNEWS.co - Parlamentu Nasional (PN) liu husi komisaun B neebe trata asuntu defeza seguransa no negosiu estranjeiru rekonese demisaun membru Polisia Nasional Timor-Leste...

Komisaun F Seidauk Aprova Projetu Lei Protesaun Ba Labarik

DILI, STLNEWS.co - Parlamentu Nasional (PN) liu husi Komisaun F trata asuntu Saude, Seguransa Sosiais no Igualidade Jeneru, seidauk aprova projetu lei protesaun labarik...
%d bloggers like this: