Mota Lulun Natar Iha Craras

DILI, STLNEWS.co – Komunidade iha Craras nomos Irabere nia natar hektares lubuk ida mota sobu lori tama hotu ba tasi, tanba nee husu ba governu atu toma atensaun urjentemente, agora udan besik monu rai ona.

“Hau husu ba governu atu fo importansia lalais ba problema neebe povu hasoru, se bele haruka ekipamentus tuun ba ateru tiha, se lae mak bainhira udan monu rai sei fo nafatin ameasa ba ita nia povu agrikultura sira iha baze, no sira labele halo natar, tanba natar hektares lubuk ida mak mota lulun hotu ona ba tasi,” kestaun nee fo sai husi reprezentante povu iha uma fukun Parlamentu Nasional, Deputadu Dario Madeira ba STL Kuarta nee (13/10/2021) iha Parlamentu Nasional.

Nia katak, karik governu la fo atensaun ba povu nia halerik sira nee, mak bainhira udan monu rai, agrikultor sira labele halo toos ho natar, no sira atu halo, maibe hanoin hela deit mota mai sei lulun tan ba tasi, tanba nee husi pozisaun governu nian, oinsa orienta lalais ekipamentu tuun ba halo normalizasaun ba mota neebe halai ba natar.

Iha fatin hanesan, Deputadu Jose Paiseco hatutan, problema nee laos akontese deit ba agrikultor sira iha Craras, maibe iha mos munisipiu seluk, no governu iha inisiativa atu hadia, maibe presiza tempu, tanba governu labele halo buat hotu dala ida, maibe hanesan reprezentante povu nafatin husu mos ba governu atu aselara lalais, tanba udan mos besik monu rai ona.*

Reportajen: Madalena Horta

Editor: Domingas Gomes

LEAVE A REPLY

Please enter your comment!
Please enter your name here

NEWS UPDATE

Vasina Pfizer Importante Ba Labarik Sira

DILI, STLNEWS.co – Tuir Ministra Saude Odete Maria Freitas Belo dehan, labarik sira presiza simu vasina Pfizer nee, tanba importante tebes hodi bele prevene moras...

Update Covid-19 TL 27 Outubru: Kazu Pozitivu 7 & Rekuperadu Nain 3

DILI, STLNEWS.co – Ohin loron 27 fulan Outubru tinan 2021, liu husi Centro Integrado Gestão de Crises, Sala Situação (CIGC-SS) rejistu tan kazu konfirmadu...

Estudante ESJ Simu Ona Vasina Pfizer

DILI, STLNEWS.co – Eskola Ensinu Sekundariu Jeral (ESJ) 4 Setembru simu ona vasina Pfizer ba doze primeiru, atu nunee bele halo prevensaun ba Covid-19. Informa...