Movimentu Estudante Oecusse Sei Blokeia Operasaun Ro Tranship II

DILI, STLNEWS.co – Movimentu Estudante Tane Oecusse sei organiza komunidade Ambeno ho Atauro halo demonstrasaun hodi blokeia operasaun ro Tranship II, bainhira governu liu husi Ministeriu Transporte no Komunikasaun kontinua autoriza ro nee halo operasaun Dili ba Oecusse no Atauro.

Tuir membru movimentu Estudante Tane Oecusse, Zecafriado Coa lamenta tebes ho desizaun VIII governu Konstituisional liu husi Minesteriu Transporte no Komunikasaun kontinua autoriza ro Tranship II hodi halo operasaun entre Dili ba Oecusse.

“Ami rekomenda ba Primeiru Ministru atu emediatamente kansela operasaun ba ro Tranship II nee, nunee labele fo ameasa ba sidadaun sira nia vida, por hanesan akontesimentu ro ahi tradisional diresaun Dili ba Atauro mout nee susar neebe atu hetan matebian sira neebe mak isin lakon nee,” dehan Zecafriado Coa liu husi konferensia imprensa, neebe halo iha Jardin 5 de Maiu, Segunda nee (12/07/2021).

Tuir nia, kontratu neebe mak governu Timor Leste asina kontratu ho kompania balun husi nasaun Indonezia kada fulan tenke selu osan rihun $220 ba ro Tranship II wainhira halo operasaun iha TL. Tanba tuir lolos osan neebe mak iha lolos nee governu labele ona estende kontratu hodi selu ro Tranship II nee, no lolos governu prolonga deit kontratu ro Success neebe dadaun nee para deit iha tasi, no uza osan sira neebe sei iha hodi halo mos manutensaun ba ro Berlin Nakroma neebe dadaun nee avaria hela, laos ba aluga fali osan neebe ho montante boot ba ro Tranship II neebe ho kondisaun at atu halo operasaun nee.

Nia akresenta, ro Tranship II neebe antes nee tula ho Primeiru Ministru Taur Matan Ruak ho komitiva husi Dili ba Atauru hasoru difikuldade atu atraka iha portu Atauru iha loron sesta liu ba (11/06/2021), wainhira fila mai Dili Primeiru Ministru Taur Matan Ruak deside fila ho ro UMP Kay Rala, no foin lalais nee iha loron Sabadu liu ba (10/07/2021) mos ro Tranship II nee susar atraka iha portu Dili wainhira husi Oecusse fila mai Dili no tenki obriga pasajeiru sira tun husi janela ro Tranship II nee.

Tanba nee Movimentu Estudante Tane Oe-cusse husu Ministru Transporte no Telekomunikasaun, Jose Agustinho da Silva atu hapara operasaun ro ahi Tranship II Dili – Oecusse no Dili – Atauro.

Aleinde nee sira mos husu ba Prezidente Autoridade RAEOA atu toma atensaun ba problema ro ahi Tranship II, hodi la autoriza ro nee halo operasaun nunee labele fo impaktu negativu ba pasajeirus sira bainhira halo viagem.*

Reportajen: Alberto Menezes
Editora: Carme Ximenes

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 21 Setembru: Kazu Pozitivu 67 & Rekuperadu 318

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 67 no kazu rekuperadu hamutuk 318. "Kazu detetadu foun neebe relata...

Sai PR Labele Halo Terus Povu

DILI, STLNEWS.co – Tuir lian Komunidade Agostina Soares katak, se mak atu kandidata an ba Prezidente Republika ba tinan 2022-2027, labele halo terus tan povu...

Fundasaun Codiva Haklean Konesementu LGBTI Ba Autoridade Lokal

DILI, STLNEWS.co – Fundasaun Codiva haklean informasaun no konesementu konaba asuntu Lesbian Gay Bisexual Trans Intersex (LGBTI) ba autoridade lokal. Haktuir Diretora Ezekutiva Fundasaun Codiva...
%d bloggers like this: