MTCI Halo Audiensia Ho Komisaun D

DILI, STLNEWS.co – Ministru Turizmu, Komersiu, no Industria (MTCI – sigla portugues) halo audiensia publiku ho Komisaun D, hodi koalia konaba proposta Orsamentu Jeral Estadu tinan 2022 nian, neebe ministeriu nee hato’o ba Komisaun D ho montante millaun US$ 13 resin.

“Hau hanoin montante orsamentu neebe ohin ami lori mai iha nee, tanba planu prioridade ba tinan 2022 nian nee atu finansia programa haat (4), programa turizmu, boa governasaun, jestaun instituisional, no investimentu diversifikasaun ekonomia ho sub nasional 15, tanba nee ohin ami mai esplika ba membru Parlamentu Nasional sira,” kestaun nee fo sai husi Ministru Turizmu, Komersiu, no Industria (MTCI – sigla Portugues), José Luis do Carmo da Silva, ba jornalista Segunda nee (08/11/2021) iha Parlamentu  Nasional.

Nia katak, agora dadauk governu liu husi MCTI dezenvolve hela setor turizmu iha Uailili neebe lokaliza iha Munisipiu Baucau, iha Aileu Seloe, Nunumoge neebe lokaliza iha Ainaro, nomos ida iha Suku Wemori, Munisipiu Viqueque, tanba nee ba oin MTCI sei halo identifikasaun ba suku lima (5) seluk.

Aleinde nee nia dehan, ezekusaun OJE tinan 2021 nian iha Ministeriu Turizmu, Komersiu, no Industria nian atinje ona 65%, fiar katak bainhira tinan ida nee atu remata, ministeriu bele ezekuta tuir metas neebe iha.

“To’o ohin loron ami nia ezekusaun atinje ona 65%, tanba nee fiar katak bainhira tinan nee atu remata ami bele ezekuta tuir metas neebe maka iha, tanba agora ami atinje ona 65%,” dehan ministru nee.

Iha fatin hanesan, reprezentante povu iha uma fukun Parlamentu Nasional, Deputada Fernanda Lay hateten, governu hakarak husu osan neebe boot, maibe to’o ikus sira nia ezekusaun la lao, no to’o fim de ano osan nee tama fali ba kofre estadu.

“Ita preokupa tanba governu nia ezekusaun kiik tebes, razaun mak Covid-19, tan nee impaktu ba ezekusaun kiik, maibe atu dehan deit governu mak laiha kapasidade atu ezekuta osan tuir planu neebe maka iha,” dehan deputada nee.

(mad)

LEAVE A REPLY

Please enter your comment!
Please enter your name here

NEWS UPDATE

Xanana Fila Hikas Ona Mai TL Ho Batik

DILI, STLNEWS.co - Hafoin halao viajen ba Japaun ho Portugal, durante semana 3 hodi halao enkontru lubuk ida, no simu honorariu doctorate 2 husi...

Jornalista Iha Filipina Hetan Tiru, Suspeitu Sei Misteriu

DILI, STLNEWS.co – Jornalista ida mate hetan tiru iha Filipina loron Kuarta horiseik (08/12/2022), bazeia ba informasaun husi grupu advokasia fatin neeba. Nia mak Jesus...

Universidade Katolika TL Iha Lasu No Devosaun Boot

DILI, STLNEWS.co – Ohin governu no lider Igreja Katolika hamutuk ho Premeadu Nobel da Paz, Dr. Jose Ramos Horta halo inagurasaun abertura solene Universidade...