MTK – ANC Atribui Sertifikadu ba Kompania RVEU, Lda

DILI, STLNEWS.co – Ministeriu Transporte Komunikasaun (MTK), liu husi Autoridade Nacional de Comunicações (ANC), atribui sertifikadu rejistu ba kompania Raph Vision Electronic Unipessoal, LDA (RVEU, Lda).

Tuir Ministru Transporte Komunikasaun, Jose Agustino da Silva hatete, ba publiku neebe mak durante nee iha liu-liu ba iha mundu informatika iha Timor Leste, internet nian velosidade nee ho kualidade ninia kustu nee as no karun, hanesan governu Ministeriu Transporte Komunikasaun liu husi Autoridade Nasional Comunicações esforsu tomak oinsa bele normaliza situasaun ida nee.

“Ita Timor Leste bele iha kualidade velosidade internet neebe diak, bele halo ho presu neebe mak kompetetivu, ida nee mak ita agora esforsu durante nee ita hotu hatene katak operador telekomunikasaun tolu, Timor Telecom, Telemor, Telkomcel nomos kompania sira neebe mak oras nee dadaun ita atribui ona sertifikadu rejistrasaun ba sira,” dehan Ministru Transporte Komunikasaun, José Agustinho da Silva ba jornalista sira iha Salaun ANC, Segunda (03/05/2021).

Nia haktuir, liu-liu iha situasaun ida neebe mak serteza nia estatutu para nunee sira labele iha duvida wainhira halao atendimentu ba iha kliente sira, entaun prosesu nee lao naruk atravesa kria telecomunicações hasai pedidu sirkular ba kompania sira neebe mak interese atu investe iha informatika telecomunicações nian, i klaru katak nee regulariza ho regra dekretu lei nomor 15 artigu 30 neebe mak hatur rekezitus ba kompainia sai nuudar internet profil ida ka servisu internet nia tenke kumpri rekezitus sira neebe mak dekretu lei nomor 15 nee haruka.

Iha fatin hanesan, Manager kompania Raph Vision ELectronic Unipessoal, Lda, Johanes Jefri Yap hatete, sira kumpre ona hatama dokumentus tuir MTK koalia no sira tenke hahu ho buat seluk, tanba ida nee foin rejistu deit.

Foto: STL/Donaciano Magalhães

“Ami tenke hahu tan dokumentus seluk ba ANC, nunee bele hetan lisensa para halo investe iha rai Timor no bele lori internet mai Timor ho kualidade diak ho presu neebe ladun karun,” dehan Johanes.

Nia haktuir, tuir planu kompania RVEU, Lda, sei foti internet husi Indonezia ho satellite hotu, nunee mos sira iha planu internet nee sei kobre deit iha kapital Dili.*

Reportajen: Joaninha Belo/Donaciano Magalhães
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Situasaun Covid-19, HNGV Kama Mamuk Barak

DILI, STLNEWS.co - Ho situasaun pandemia surtu Covid-19 neebe oras nee Timor-Leste hasoru, halo pasiente barak mak la mai halo tratamentu iha Hospital Nasional...

Familia La Simu Matebian LM Tara Aan Mesak, Teofilo: Hau Hein Rezultadu Investigasaun

DILI, STLNEWS co - Familia husi matebian Lebenita Madeira neebe deskonfia tara aan iha nia rezidensia Bebonuk nee sira la simu, tanba nee husu...

Rede Feto Triste, Feto Sai Vitima

DILI, STLNEWS.co - Rede Feto Timor Leste triste hodi asiste sitausaun realidade, neebe akontese halo feto sai vitima ba situasaun moris iha familia, liu...
%d bloggers like this: