MTK – MTKI No ANC Foti Rejime Legal Asegura Konsumidor

DILI, STLNEWS.co – Tane konsumidor husu ba Ministeriu Transporte no Komunikasaun (MTK), Ministeriu Turizmu Komersiu no Industria (MTKI), no Autoridade Nasional Comunicações (ANC), hodi reivendika ba foti rejime legal espesifiku, hodi asegura ba protesaun konsumidor sira servisu telekomunikasaun nian, hanesan kontratu.

Liu husi konferensia imprensa, Prezidente Tane Konsumidor Antonio Ramos da Silva hatete, Tane simu denunsia barak husi konsumidor sira neebe ladun satisfeitu ho operador telekomunikasaun sira.

“Husu atu reforsa ba protesaun konsumidor sira nian, TANE hato’o karta Lobby ba MTK, MTKI no ANC hodi reivendika, atu foti rejime legal espesifiku, hodi asegura protesaun ba konsumidor sira servisu telekomunikasaun nian,” dehan nia ba jornalista iha nia knaar fatin, Villa Verde, Dili, Kinta nee (23/09/2021).

Nia dehan, husi sekuensia kesar sira neebe mak simu, konaba prestasaun servisu telekomunikasaun nian, TANE analiza informasaun sira neebe hato’o husi operador prinsipal ba konsumidor sira, neebe liu husi sira nia site, ka iha sira nia faan fatin, nomos husi sira nia kontratu rasik.

Rekomendasaun Tane mak, obrigatoriu ba selebrasaun kontratu neebe hakerek ho surat ba servisu sira pre-pagos no pes-pago, obrigatoridade entrega kopia kontratu neebe selebra ona ba konsumidor sira, no obrigatoridade hato’o informasaun neebe klara no komprensivel konaba folin, nunee mos konaba taxa sira no impostos neebe aplika, molok, durante no hafoin selebrasaun kontratu, obrigatoridade ba hatama mos klausula konaba diretu ba retrasaun, nomos haruka ba konsumidor sira fatura, neebe periudiku no hakerek ho diskrisaun konaba valor neebe aprezenta, haruka ba konsumidor sira ezijénsia konaba selu (fatura), hakerek no ho antesedensia minima.*

Reportajen: Santina Castro

Editor: Ekipa STL 

LEAVE A REPLY

Please enter your comment!
Please enter your name here

NEWS UPDATE

Vasina Pfizer Importante Ba Labarik Sira

DILI, STLNEWS.co – Tuir Ministra Saude Odete Maria Freitas Belo dehan, labarik sira presiza simu vasina Pfizer nee, tanba importante tebes hodi bele prevene moras...

Update Covid-19 TL 27 Outubru: Kazu Pozitivu 7 & Rekuperadu Nain 3

DILI, STLNEWS.co – Ohin loron 27 fulan Outubru tinan 2021, liu husi Centro Integrado Gestão de Crises, Sala Situação (CIGC-SS) rejistu tan kazu konfirmadu...

Estudante ESJ Simu Ona Vasina Pfizer

DILI, STLNEWS.co – Eskola Ensinu Sekundariu Jeral (ESJ) 4 Setembru simu ona vasina Pfizer ba doze primeiru, atu nunee bele halo prevensaun ba Covid-19. Informa...