MTKI Husu Grupu Traballu No PKK Implementa Programa Turismu Komunitariu

DILI, STLNEWS.co – Ministru Turismu Komersiu Industria (MTKI) Jose Lucas do Carmo, husu ba grupu traballu no Prezidente Konsellu Konsultivu (PKK) atu implementa programa dezenvolvimentu turismu komunitariu tuir prioridade neebe mak define ona.

“Hau husu ba ita boot sira iha neeba, atu tau prioridade numeru ba asuntu ida nee, tenke konsentra atu dezenvolve duni programa dezenvolvimentu komunitariu bele lao ho diak,” dehan ministru nee iha intervensaun durante seremonia selebra akordu fundu tranferensia, ba programa implementasaun dezemvolvimentu turizmu komumitariu ba suku lima, iha salaun Ministeriu Turizmu Farol, Dili, Sesta nee (17/09/2021).

Governante nee afirma, iha avaliasaun ba programa nee grupu traballu neebe dadaun, ho apoiu orsamentu kiik nia kualidade diak, no halo ho responsabilidade mak sei hetan fali osan boot.

“Sira nee dadaun hetan apoiu osan boot, maibe laiha kualidade no halo la ho respoblidade, apoiu ba sira sei tuun oituan, nee depende ba avalisaun husi Ministeriu Turizmu ba implemtasaun programa turzimu komintariu, tanba nee husu atu ekipa traballu halo ho kualidade no responsabilidade, nunee bele iha ninian sustentabilidade,” hateten Jose.

Nia dehan, istoria ba turizmu komunitariu husi suku lima nee rasik, haree ona iha proposta, maibe implementasaun nee seidauk implementa. Tanba nee, implementasaun nee tenke mai ho ninian kualidade, atu nunee bele brani temi katak iha ninian sustentabilidade.

Iha fatin hanesan, reponsablidade grupu traballu Suku Seloi Manuel da Silva afirma, nia parte agradese ba VIII Governu Konstitusional, tanba bele iha inisitiva hodi bele implementa programa dezenvolvimentu turizmu komunitariu.

”Programa nee mak ami hein duni, kleur demais ona ami hein. Hau agradese tebes ba iha governu da-8, nee mak foin realiza no ami promote sei halo programa nee ho responsabilidade no kualidade,” dehan nia.

Entretantu, orsamentu neebe Ministeriu Turizmu Komersiu apoiu ba suku lima, ba pilotu programa dezemvolvimentu turizmu komunitariu ho apoiu orasantu montante la hanesan.

Suku Uailili hetan osan ho montante US$ 100, US$ 200.00, Suku Maubise Villa hetan US$ 41,070.00, Suku Nunumoge hetan osan ho montante US$ 49,765.00, Suku Seloi US$ 49,900.00 no Suku Uaimoritula hetan osan US$ 16,000.00.*

Reportajen: Alberto Menezes

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Membru F-FDTL Foun Ida Halai Lakon

DILI, STLNEWS.co - Membru foun FALINTIL Forsa Defeza Timor Leste (F-FDTL) ida ohin halai lakon iha sentru formasaun Metinaro tanba la augenta ho instrusaun...