MTKI Loke Kompetisaun Pintura

DILI, STLNEWS.co – Ministeriu Turizmu Komersiu no Industria (MTKI), liu husi Diresaun Nasional Emprendismo ba Atividade Produtus Turistiku organiza kompetisaun pintura ba joven sira.

Grupu sira neebe partisipa iha atividade pintura, hodi komemora loron mundial turizmu mak hanesan Arte furak, Arte Uma Lalatak, Mafima Arte no seluk tan.

Diretor Nasional Emprendismo Atividade Produtus Turiztiku, husi Ministeriu Turizmu Komersiu Industria (MTK), Julio Ximenes Ribeiro katak, atividade kompetisaun pintura nee ho objetivu atu komemora loron mundial turizmu nian, neebe kada tinan sempre komemora.

“Durante nee ita seidauk tau prioridade ba joven sira neebe mak iha talentu iha area pintura nian, tanba nee, depois de atividade nee, Ministeriu Turizmu Komersiu sei fo apoiu ba joven sira hodi bele insentiva sira nian atividade, nunee sira bele kontinua hatudu kreatividade neebe mak sira iha,” dehan Diretór Nasional Emprendismo Atividade Produtus Turistiku, Julio Ximenes Ribeiro iha Sentru Informasaun Turiztiku, Lecidere, Dili, Domingu nee (26/09/2021).

Diretor  nee dehan, MTKI liu husi Diresaun Nasional Emprendismo Atividade Produtus Turistiku, iha ona planu atu preve orsamentu, nunee atividade sira hanesan nee kada tinan bele iha nafatin

Nia hatutan, MTKI mos  iha ona planu atu preve osan iha tinan 2022 no 2023 bele realiza atividades joven sira nia.

Aleinde nee, premiu ba kompetisaun pintura nee, primeiru lugar sei hetan US$ 300, segundu lugar US$ 4200 no terseiru lugar US$ 150.*

Reportajen: Alberto Menezes

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Membru F-FDTL Foun Ida Halai Lakon

DILI, STLNEWS.co - Membru foun FALINTIL Forsa Defeza Timor Leste (F-FDTL) ida ohin halai lakon iha sentru formasaun Metinaro tanba la augenta ho instrusaun...

Maromak La Dukur Ba Nia Ema

DILI, STLNEWS.co - Maromak mak iha kbiit tomak sempre akompanha ema hotu iha tempu saida deit no nunka dukur ba ema, tanba ne'e presiza...