Mudansa Governu, Prinsipiu Meritu

Diretor Ezekutivu FONGTIL, Daniel Carmo dos Santos. (Foto: STL)

DILI, STLNEWS.co — Mudansa sira neebe maka akontese iha governu tenke kaer metin ba prinsipiu meritu ho profisionalismu.

Diretor Ezekutivu FONGTIL, Daniel Carmo dos Santos dehan, mudansa sira neebe maka governu sira halo tanba politika nee hahu wainhira iha eleisaun. Politika nee remata bainhira ema ida neebe kaer ukun, nee laos politika ona. Maibe nee governu ida ba povu tomak.

“Tan nee mudansa saida maka akontese iha governu nee tenke kaer metin ba prinsipiu ida meritu ho profisionalismu katak, bele muda ema ida maibe tenke tau fali ema ida neebe diak liu para bele fornese servisu nee ho diak liu ba ema hotu nia esperansa, maibe se mudansa sira nee para defende deit interese poder politika, lalori buat ida neebe diak no lalori edukasaun ida neebe diak, ba ita nia rai no la kontribui diak ba prosesu dezenvolvimentu iha rai laran,” dehan Daniel ba jornalista sira iha CVTL, Bairu Grilhos, Kuarta (14/10/2020).

Nia observa katak saida maka akontese agora maka, fahe privileziu, fahe poder no fahe pozisaun ba malu. Buat sira iha la favorese no koko atu labele halo espekulasaun depois, evita komentariu sira neebe tendensia defende politika sira maibe lalori benefisiu ba povu.*

Reportajen: Domingas Soares/Guilhermina Franco
Editor: Ekipa STL

LEAVE A REPLY

Please enter your comment!
Please enter your name here