DILI, STLNEWS.co – Rezultadu kontajen de votus eleisaun segunda volta remata ona, agora tama ona ba iha faze apuramentu munisipal, daudaun nee iha munisipiu 5 inklui RAEOA ho diaspora mak konklui ona faze apuramentu munisipal no diaspora.
“Munispiu 5 inklui RAEOA ho diaspora konklui ona rezultadu kontajen de votus mak Aileu, Baukau, Likisa, Manufahi, RAEOA, Vikeke no Diáspora,” hatete Diretor Jeral STAE, Acilino Manuel Branco ba jornalista sira iha salaun Konferensia Imprensa STAE, Kaikoli, Dili, Kuarta nee (20/4/2022).
Entretantu, iha munisipiu 7 mak daudaun nee seidauk konklui hotu, Ainaro seidauk remata tanba sei falta akta 10, akta neebe digitalizadu akta 60, Bobonaro sei falta akta 71, akta digitaliza ona iha 59, Kovalima falta akta 29, akta neebe digitaliza ona 51, Dili sei falta akta 60, akta digitalizadas 70, Ermera falta 41, aktas digitaliza 74, Lautem falta 27 akta, akta neebe digitalizadu 53, Manatuto sei falta akta 24, akta neebe digitaliza 46. Nunee total akta neebe STAE rejista sei falta 262, no akta neebe digitaliza ona 938 husi total 1.200.
Tuir dadus neebe STL asesu husi Sekretariadu Tekniku Admnistrasaun Eleitoral (STAE) kandidatu ho numeru Sorteiu 1 José Ramos Horta lidera provizoriu ho porsentu 59,93 % husi votante 289579.
Entretantu Francisco Guterres Lú Olo okupa provizoriu iha fatin segundu ho 40,07 %, husi votante 193610.
Total eleitor neebe partisipa iha eleisaun segunda volta nee hamutuk 483189.
(cri)