MUTL Husu Governu Reativa Hikas Aula Normal

DILI, STLNEWS.co – Movimentu Universitariu Timor Leste ( MUTL), husu ba Governu, liu-liu Ministeriu Edukasaun Juventude no Desportu no Ministeriu Ensinu Superior Siensia no Kultura, atu reativa hikas aula normal, maibe nafatin tuir protokolu husi Oraganizasaun Mundial Saude (OMS) nian.

Tuir portavoz estudante, Mauraku Coli hatete, MUTL husu no ezije ba governu atu aplika fila fali regra prevensaun no mitigasaun surtu COVID-19 neebe implementa tiha ona iha loron 29 fulan Junu 2020.

Iha parte seluk, MUTL akompana iha terrenu nota katak, estudante husi Ensinu Primaria too Ensinu Superior barak mak sai vitima ba serka sanitaria no konfinamentu, iha loron 08 fulan Marsu 2021 no mos halo estudante barak mak hetan difikuldade kona ba nessesidade bazika liu-liu estudante hela iha kost.

“Ami husu ba governu, liu-liu Ministeriu Edukasaun Juventude no Desportu no Ministeriu Ensinu Superior Siensia no Kultura, atu reativa hikas aula normal, maibe nafatin tuir protokolu husi Oraganizasaun Mundial Saude (OMS) nian,” dehan portavoz Estudante, Mauraku Coli liu husi konferensia imprensa, neebe halao iha Liceu, UNTL, Kuarta (28/04/2021).

Nia dehan, MUTL rejeita total sistema aula online tanba laiha formasaun husi eskola kona ba aplikasaun, no estudante barak mak sei la asesu ba aula online nee, no mos rede internet neebe dadaun lao runguranga hela.

Nia afirma, MUTL husu ba Konsellu Ministru atu foti dezisaun hodi loke hikas dalan publiku neebe husi kapital liga ba munisipiu no munisipiu liga mai kapital, atu nunee estudante sira bele ba foti hahan no osan hodi uza ba sira nia nesesidade bazika no responde ba sira nia estudu.

Hatan ba kestaun nee Ministru Ensinu Superior Siensia no Kultura, Longuinhos dos Santos hatete, MUTL halo konferensia imprensa nee diretu maibe tenke kumpri lei neebe maka aprova ona iha Parlamentu Nasional no hein promulgasaun husi PR.

Portantu nee interesante hotu medida rua nee, hanesan ensinu distansia iha prosesu ida neebe mak suspende atividade letivas prezensial no aulas prezensial kuandu atividade prezensial nia ativu fila fali.

Maibe iha metodolojia rua hanesan, liu husi ensinu distansia no aulas kooperasaun, tanba nee mak governu fasilita hela internet ba estudante hotu-hotu, portantu iha medida nee husi MESSK preve liu husi orsamentu estadu ba ratifikativu nian.

Medida internet iha atividade rua hanesan apoiu subsidiu ba estudante sira no estabelese internet iha instuisaun ensinu superior privadu sira.

Depois ida nee hein rekomendasaun, no mos suspende karik mak iha ona suspensaun atividade prezensial suspende ona nee ita aplika ona metodolojia tuir mai ho naran aulas rekooperasaun, signifika katak ba estudante sira neebe maka lapartisipa iha prosesu ensinu distansia, dosente ka profesores sira iha universidade utiliza metodolojia ida neebe ho naran alternativa kooperasaun.

Reportajen: Blandina Mauno/Jacinta Sequeira
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Reativa Eskola Iha Baucau Sei Marka Audensia Ho MEJD

BAUCAU, STLNEWS.co - Diretor Servisu Munisipal Edukasaun, Juventude, no Desportu (SMEJD) Baucau, Segunda semana oin sei marka audensia ho Ministeriu Edukasaun, Juventude, no Despostu...

Komunidade Hakbesik An Ba Parte Saude Hodi Simu Vasina

DILI, STLNEWS.co - Komunidade aldeia hat iha Suku Zulo, Postu Administrativu Zumalai, Munisipiu Covalima hakbesik an ona ba saude hodi simu vasina doze primeiru...

ETDA Rejistu Estudantes 670

DILI, STLNEWS.co - Hahu iha fulan Janeiru too fulan Fevereiru 2021, sentru formasaun East Timor Development Agency (ETDA) rejistu estudantes hamutuk 670, maibe ema...
%d bloggers like this: