Nain Feto do Carmo Sai Inspirador Ba Mundu

DILI, STLNEWS.co – Irma Carmelitas iha Parokia Santo Antonio Motael, selebra festa Nai Feto do Carmo sai inspirador ba mundu, tanba ema fiar no konfiansa iha nia sei lahetan kastigu.

Lia fuan murak nee hatoo husi Padre Roque Soares da Cruz, O. Carm liu husi omilia hafoin preside misa Nain Feto do Carmo iha Igreja Santo Antonio Motael, Sesta (16/07/2021).

Selebrasaun festa Nain Feto do Carmo nia, ohin konvida ita atu deskobre Virgem Maria foho Carmelo, deskobre vertude neebe presiza atu aprende barak husi Nain husi foho Carmelo.

“Ita deskobre Virgem Maria husi foho Carmelo sai hanesan inspirador espiritual, tanba nee maka nailulik balun durante husu tanba saida maka ita laiha fundador, maibe inspirador deit, buat lubuk ida ita bele haree iha antigu testamentu Maria husi foho Carmelo sai inspirador espiritual ba Carmelita iha mundu no belun sira neebe fiar no tau konfiansa iha Nain Feto liu husi hahalok no devosaun novena espesial ba nain feto foho Carmelo,” hatete Padre Roque Soares da Cruz, O.Carm.

Padre Roque haktuir, Eskapilariu santo nee Nain Feto husi foho Carmelo manifesta sira neebe fiar iha nain feto rekonesementu ba dahuluk, haree liu husi Amu Papa Pius XII dehan hanesan nee devosaun ba Eskapolario santo sei hamonu grasa udan husi leten aas ba mundu ba sira neebe fiar iha Eskapulario Nai Feto husi Carmelo.

Signifika Nain Feto do Carmo garante moris ba tempu neebe sei mai, tempu ikus nia ho garante espiritual neebe nain feto fo ba Simão, iha mometu neeba ita brani bolu “Aba Ama”. Ita bolu Maromak aman tanba Maromak labolu ita atan, bolu ita belun.

Selebrasaun festa Nain Feto do Carmo responsavel koru husi Akolitus Motael, partisipa iha misa nee Tersiares, Jucar, Irma Carmelitas sira inklui sarani sira.

Preside misa selebrasaun Nain Feto do Carmo Padre Roque Soares akompania ho Amu Vigariu Santo Antonio Motael, Padre Mariano Maia.*

Reportajen: Joaninha Belo
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Covid-19 Update (29 Jullu 2021): Numeru Pozitivu Kontinua Aas Iha Ermera

DILI, STLNEWS.co - Loron Kinta (29/07/ 2021), Centru Integradu Gestão de Crises, Sala Situação (CIGC-SS / SS-SIJK) rejistu tan kazu konfirmadu pozitivu Covid-19 hamutuk...

Nobel da Paz Prepara Materia Ba Ezame

DILI, STLNEWS.co - Eskola Ensinu Sekundariu Nobel da Paz, prepara ona materia ba estudante sira, atu tuir ezame segundu periodu ano letivu 2021, neebe...

IFFS Reativa Aula Prezensial

DILI, STLNEWS.co - Reitor Instituto Filosofico Sao Francisco de Sales (IFFS), Pe. Manuel Pinto hatete, reativa aula prosesu aprendizajen, tanba lakon tempu barak ona...
%d bloggers like this: