Nakroma Sei Halo Manutensaun Iha Surabaya

Tekniku sira sei halo identifikasaun ba kondisaun ro Berlin Nakroma. Bainhira kondisaun laiha mundansa, posibilidade sei lori ba halo manutensaun iha Surabaya (Indonezia). Dehan Prezidente Aportil, Flavio Cardoso Neves ba STL iha portu Dili Kinta (14/01/2021). (Foto: STL/Donaciano Magalhães)

DILI, STLNEWS.co -Tekniku sira sei halo identifikasaun ba kondisaun ro Berlin Nakroma. Bainhira kondisaun laiha mundansa, posibilidade sei lori ba halo manutensaun iha Surabaya (Indonezia). Dehan Prezidente Aportil, Flavio Cardoso Neves ba STL iha portu Dili Kinta (14/01/2021).

“Hau hanoin ro pasajeirus, kuaze tinan-tinan tenke halo manutensaun, agora ita identifika ona ninia kondisaun, hau hanoin oinsa mak ita bele halo manutensaun, maibe agora ita buka meus ida neebe mak diak liu, ita bele identifika nee fokus liu tan ro nian kondisaun, atu nunee bele hadia los saida mak sai ita nian preokupasaun ba ro Berlin Nakroma. Tinan-tinan Nakroma ba deit iha Indonezia,” dehan Prezidente Aportil Flavio Cardoso Neves.

Nia dehan, antes atu lori ba halo manutensaun iha Indonezia, ho nunee bele prepara orariu neebe mak fiksu, selae lori ba deit, pois ro atraka ona nee ba, komesa selu ona nee atu hadia ou lae, tenke selu ona tanba ro atraka tiha ona.

“Hau fo ezemplu, hanesan ro sira lori sasan mai atraka iha ita nian portu, nee sasan nee hatun ou lae, nee tenke selu nafatin, neebe posibilidade ita sei lori nakroma ba halo manutensaun iha Indonezia,” dehan nia.*

Reportajen: Jacinta Sequeira/Madalena Horta
Editora: Carme Ximenes

1 COMMENT

  1. Husu parte Aportil ne’ebe fo sai resultadu seleksaun dokumentus ba vagas iha dia 28 Desembru 2020, favor fo hatene ho klaru data no liu husi tv ida ne’ebe no journal saida? Agr nee hamosu konfusaun no ema da la htne se seak liu seleksaun nee. Obrigado

LEAVE A REPLY

Please enter your comment!
Please enter your name here