Nakroma Tenke Lao Nafatin Fasilita Povu Oecusse

Reprezentante povu iha uma fukun Parlamentu Nasional (PN), husu ba governu liu-liu Ministeriu Agrikultura no Peska, atu hadia lalais irigasaun Buloto neebe lokaliza iha Munispiu Manatuto, tanba irigasaun nee aat. (Foto: Dokumentasaun STL)

DILI, STLNEWS.co – Membru Parlamentu Nasional (PN), husu ba governu atu asegura nafatin Ro Nakroma hodi nunee, bele transforma nafatin aihan husi nasional, ba povu Oecusse, tanba povu Oecusse nia atividade depende mai nasional, karik governu hapara ro nia operasaun maka, sei defikulta povu Oecusse.

Tuir Deputada Noimia Sequeira katak, governu labele hapara operasaun ro Nakroma, tanba povu iha Oecusse maioria mai sosa hahan iha Dili, no mina neebe fornese ba central eletrisidde mos transforma husi Dili maka ba Oecusse, karik governu hapara operasaun nakroma maka sei defikulta povu Oecusse.

“Hau hanoin atividade sira neebe lao iha Oecusse depende liu mai iha Dili, liu liu ai han no fornesementu mina ba sentral eletrisiade neebe atu fo naroman ba povu, depende hotu mai iha Dili, tan nee governu tenke servisu hamutuk ho Auturidade RAEOA, hodi asegura atividade labele lao paradu, tan nee operasaun ro Nakroma tenke lao nafatin hodi fasilita povu Oecusse,” kestaun nee fo sai husi Deputada Noimia Sequeira iha Parlamentu Nasional Kuarta foin dadauk.

Nia mos afirma liu tan katak, relasiona ho problema neebe akontese iha Oecusse katak, dehan sidadaun balun pozitivu ba Covid-19, tan nee husu mos ba governu tenke servisu hamutuk ho Autoridade RAEOA, hodi kontrola ema sira neebe tama karantina tenke kumpri loron neebe determinan atu sai, labele halai sai husi karantina bainhira, seidauk iha rezultadu neebe diak ba teste Covid-19 karik ema sira nee halai sai deit maka sei lori dezastre ba ema seluk.*

Reportajen: Madalena Horta
Editor: Ekipa STL

LEAVE A REPLY

Please enter your comment!
Please enter your name here