Naran Kandidatu Membru F-FDTL Foun Taka Sai Fulan Nee

DILI, STLNEWS.co – Xefe Estadu Maior Jeneral F-FDTL, Tenente Jeneral Lere Anan Timur hatete, naran ba kandidatu membru Falintil Forsa Defeza Timor Leste taka sai (avizu) fulan nee nia laran iha kada Munisipiu.

“Rekrutamentu hau informa katak fulan ida nee nia laran ami komesa taka sai ona sira nia naran iha munisipiu sira nee, hau informa mos kona ba kriteriu rekrutamentu ninian nee ami presiza 2.400 mak selesiona hetan 600 ba enkoporasaun hatama ba Metinaro,” katak Tenente Jeneral Lere ba jornalista, bainhira remata hasoru malu ho PR, iha Rezidensia Prezidente, Farol, Dili, Kuarta (19/05/2021).

Nia hatutan, rekrutamentu loloos halo iha tinan kotuk, maibe tanba impase politika agora mak atu taka sai naran. “Ita hatene katak tanba impase polítika ita suspende tiha rekrutamentu nee ba tinan rua ka tinan tolu, sira hatama ona formulariu barbarak kuaze 20.000 neebe ke uluk hatama balun idade 20, 23, 24, no mos idade 25 ita bele dehan ultra pasa ona sira tanba deit sala polítika,” katak nia.

Lere afirma joven sira neebe hatama lista sai tropa nee sira fahe ba grupu tolu, grupu ida sira veteranus nia oan, Falintil sira nia oan ka Falintil foun sira, jerasaun Falintil sira nee grupu ida. Segundu grupu ida mak joven sidadaun Timor, no terseiru grupu tekniku sira purezemplu eletrisidade, mekanika, IT, bele enjeneiru agrikultor ou hatene hakiak animal.

“Sira laos dehan katak hau nee enjeneiru be dokumentu laiha, enjeneiru o tenke aprezenta dokumentu hotu-hotu i entaun grupu tolu nee mak ita fleksivel uituan kona ba idade uluk hau dehan katak 25 anos nee hau koalia ida tanba hau haree ba nee ita nia tropa agora mesak katuas deit. Ita agora forsa foun mais veteranus sira nia oan nee sira fo laran ba forsa duni, purezemplu uluk nee tanba ami nia radikalizmu ami la fleksivel haree ba saude, dalaruma veteranus ida nia oan koalia sabraut uituan lakon,” dehan nia.*

Reportajen: Emerenciana Pinto
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

URA Feto Sempre Apoiu Mane

DILI, STLNEWS.co – Tempu difisil feto sempre apoiu mane iha luta ba Ukun Rasik An (URA), ikus hetan independensia, kontribuisaun konta hotu feto ho...

Loron Ba Loron Jose Nia Rendimentu Menus

DILI, STLNEWS.co – Negosiante Jose Nascimento Nunes, neebe faan ropa obralan iha area Bairru Pite, sente triste ho situasaun pandemia Covid- 19 nee, tanba...

Kandidatu An PR, Tenke Hatene Linguistika

DILI, STLNEWS.co – Jurista Timoroan Sergio Dias Quintas dehan, individu neebe hakarak kandidatu ba Prezidente Republika (PR), tenke hatene linguistika no labele sai opozisaun. "Primeiru,...
%d bloggers like this: