Nasaun 3 Harii Ezersisiu Hamutuk Iha TL

DILI, STLNEWS.co – Xefe Estadu Maior das Falintil Forsa de defeza Timor Leste (F-FDTL), Maijor Tenente Jeneral Lere Anan Timur hatete, ezersisiu harii hamutuk Timor Leste, sei halao entre nasaun tolu Amerika, Australia, ho Nova Zelandia.

“Hau atu informa konaba ezersisiu multilateral entre nasaun tolu ka haat, nunee Timor Leste nuudar uma nain, Amerika, Australia, ho Nova Zelandia,” dehan Tenente Jeneral Lere Anan Timur ba jornalista liu husi konferensia imprensa neebe halao iha knaar fatin, F-FDTL, Fatuhada, Dili, Sesta (03/09/2021).

Xefe estadu nee esplika, konaba ezersisiu harii hamutuk neebe tinan – tinan sempre halao, em primeiru lugar ezersisiu harii hamutuk foka liu ba apoiu humaniariu, hanesan harii infraestrutura, bee moos no klinika.

“Maske Timor Leste iha hela situasaun pandemia Covid-19 no variante foun Delta, maibe ita nafatin kumpre regras saude mundial ninian hodi kontinua halao nafatin atividade ida nee no sei remata iha loron 21 fulan Setembru,”

Nia hatete, oras nee dadaun membru sira neebe mak hola parte ba ezersisiu harii hamutuk, halao dadaun servisu iha Tilomar, Hera, hanesan dada bee moos. Objetivu husi ezersisiu harii hamutuk, atu hatete ba povu tomak katak, ezersisiu harii hamutuk kada tinan halao dala ida, tanba nee maske dadaun nee Timor Leste iha hela situasaun pandemia, maibe atividade nee kontinua halao, no sira sei la viola regras, maibe sira sei kumpre nafatin protokolu Ministeriu Saude (MS).

Enkuantu membru neebe mai husi nasaun hirak nee, hamutuk 213 pesoas, no mos membru sira iha Timor Leste, sira neebe iha enjenaria mak sei servisu hamutuk ho sira.*

Reportajen: Santina Castro

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

KM Aprova Dekretu Lei Apoiu Nesesidade Baziku Ba Funsionariu Publiku

DILI , STLNEWS.co – Konsellu Ministru (KM) halao sorumutu iha Palasiu Governu aprova ona projetu dekretu-lei, atu kria subsidiu mensal ai-han nian ba funsionariu...

MAE Fo Pose Ba Prezidente Autoridade Munisipiu Dili

DILI, STLNEWS.co – Governu liu husi Ministeriu Administrasaun Estatal (MAE), fo pose ba Prezidente Autoridade Munisipiu Dili foun. Ministru Administrasaun Estatal (MAE) Miguel Pereira de...

Update Covid-19 TL 20 Setembru: Kazu Positivu 25, Rekuperadu 127 & Obitu 1

DILI, STLNEWS.co – Sentru Integradu Jestaun Krize (SIJK) ohin relata kazu positivu iha ema nain 25, rekuperadu 127 no obitu nain 1. "Kazu detetadu foun neebe...
%d bloggers like this: