Natal Lori Grasa Ba Ema Seluk

Pe. Carlito, bainhira halao reflesaun Natal 2020 ho Tinan Foun 2021, hamutuk ho familia boot STL CORP, Sesta (18/12/2020). [Dok: STL]

DILI, STLNEWS.co – Natal hanesan loron neebe Jesus moris mai iha mundu, tanba nee ema hotu tenke lori ou sai grasa ba ema seluk, atu nunee bele hetan bensa husi maromak.

Tuir Pe. Carlito Soares O’Carm katak, bainhira ema ida atu sai grasa ba ema seluk, nia presiza hetan bensa husi maromak.

“Atu sai grasa ba ema seluk, ita tenke hetan bensa uluk husi maromak,” dehan Pe. Carlito, bainhira halao reflesaun Natal 2020 ho Tinan Foun 2021, hamutuk ho familia boot STL Corp, Sesta (18/12/2020).

Pe. Carlito hatutan, grasa neebe hetan presiza fahe ba ema seluk, atu nunee bele hetan moris rohan laek, tanba atu sai grasa ba ema seluk presiza hatene haraik an, pasiensia no hatudu hahalok neebe diak.

Iha biban nee mos Padre Carlito dehan, adventu hanesan momentu neebe ema hotu moris ho grasa. “Adventu sai momentu atu ita moris ho grasa,” tenik Pe. Carlito.

Partisipa iha reflesaun nee mak Pe. Carlito Soares, CEO STL Corp Salvador J. Ximenes Soares, Senior Manager Business Florencio de Oliveira, jornalista no staff STL Corp.

Reportajen: Carme Ximenes
Editora: Carme Ximenes

LEAVE A REPLY

Please enter your comment!
Please enter your name here