Natureza Destroi Dialogu Aberta

Dialogu aberta neebe mak realiza husi Prezidente Republika Francisco Guterres Lú Olo ho komunidade Baucau la konsege realiza too hotu tanba estragus husi udan no anin boot. (Foto: Media PR)

BAUCAU, STLNEWS.co – Dialogu aberta neebe mak realiza husi Prezidente Republika Francisco Guterres Lú Olo ho komunidade Baucau la konsege realiza too hotu tanba estragus husi udan no anin boot.

Liu husi observasaun neebe mak STL hetan iha terenu iha loron Kinta (17/12/2020), PR Lu Olo halo dialogu ho komunidade sira iha Baucau hodi rona direita povu sira nia preokupasaun hotu maibe too dalan klaran udan no anin boot obriga PR taka ou ensera serimonia dialogu refere.

Dialogu aberta neebe Prezidente Republika Francisco Guterres Lú Olo halo ho komunidade Munisípiu Baucau hahu tuku 09:30 too tuku 12:36 situasaun lao normal, maibe iha tuku 12:37 hahu udan boot mai no iha tuku 12:41 udan hahu tuun iha fatin dialogu nian.

Depois ensera serimonia, PR Lú Olo husu deskulpa ba povu tanba la konsege responde perkupasaun hotu neebe mak husu husi autoridade lokal no komunidade sira.

“PR hakarak hatan ba imi-nia preokupasaun hotu, maibe situasaun mak la permite, entaun imi-nia preokupasaun hotu hau sei rejista hotu depois hau enkamina ba governu para bele hatan ba preokupasaun sira nee. Neebe hau husu ba imi, se imi hatan ita remata ita-nia dialogu too ba nee,” PR Lú Olo hateten hodi taka dialogu neebe ho tema dada-lia ho Lú Olo.

Antes taka PR Lú Olo mos husu autorizasaun ba komunidade sira, no komunidade sira hatan tanba udan no taka enseramentu, no PR taka enseramentu nee udan mos komesa para fila fali.

Nunee mos autoridade lokal husi Bagia Haekoni Luis de Oliveira “Oan Fuik” hatutan nia lamenta tanba dialogu nee hotu iha klaran deit maibe nee tanba udan no anin mak sobu tanba nee PR la resposta sira nia perguntas.

“Hau hanoin dialogu ohin nee kapas loos problema ami nia lamentasaun maka perguntas ka opiniaun no duvidas sira neebe ami hatoo seidauk resposta husi Xefe Estadu tanba udan. Maibe ita bele iha hanoin katak depois dialogu hotu tiha Xefe Estadu halo tiha enseramentu udan mos para fila fali maibe ita labele obriga Xefe Estadu desizaun neebe hasai ona ensera nee bele ensera ona.” Dehan nia.*

Reportajen: Emerenciana Pinto
Editor: Ekipa STL

LEAVE A REPLY

Please enter your comment!
Please enter your name here