Negosiante Taibesi Halo Asaun Hasoru Oknum PNTL-AIFAESA

DILI, STLNEWS.co – Negosiante sira neebe halo negosiu iha Merkadu Taibesi halo asaun hasoru oknum Polisia Nasional Timor Leste (PNTL) no AIFAESA, tanba deskonfia PNTL obriga negosiante atu hasai sigaru ilegal neebe negosiante balun subar, tanba tuir lei nu 14/2016 bandu sigaru ilegal labele faan iha merkadu rai laran.

Tuir negosiante Bazilio de Jesus hanesan Vitima hatete, lolos nee polisia ba ema hotu, labele tun baku povu kiik arbiru deit hanesan nee, tanba povu kiik fila liman mak hodi han hemu, laos hein fulan simu osan hanesan polisia sira.

“Ohin polisia nee husu dehan, imi faan sigaru surya ka lae, no hau hatan dehan la faan, tanba nee nia ameasa  hau hodi dehan, koalia lolos deit karik faan hatete deit, labele subar fali, ho ida nee mak nia basa iha hau nia kanuruk hodi dehan, koalia lolos selae stik nee han kedas o, lolos nee polisia ba ema hotu, laos atu baku povu kiik arbiru deit, ami buka moris hodi sustenta familia, tanba nee ami la simu ho ameasa sira nee,” dehan vitima Bazilio hanesan mos negosiante ba jornalista iha Merkadu Taibesi, Tersa nee (07/09/2021).

Nia afirma liu tan, polisia baku iha kanuruk laos baku neneik, maibe baku makaas, no ameasa tan atu lori stik baku tan, atuasaun sira hanesan nee, la merese atu hatudu ba povu kiik neebe moris ho negosiu iha merkadu laran.

Hatan ba preokupasaun nee Inspektur Manuel Alves hatete, laiha intensaun atu baku maluk negosiante kiik nee, maibe nia baku halimar deit iha negosiante nee nia kotuk hodi dehan, karik faan sigaru dehan deit labele subar.

“Hau baku halimar iha nia kotuk, maibe hau nia baku nee laos ho intensaun ladiak, hau baku halimar hodi husu ba nia atu koalia lolos, tanba nia subar sigaru maluk ekipa sira haree tiha ona, tanba nee hau baku halimar iha nia kotuk hodi husu nia atu koalia lolos deit, hau nia baku nee hanesan maun alin, laos ho intensaun ladiak, hau mos esplika ona ba nia, katak ami mai ho ekipa AIFAESA, atu prende sigaru sira neebe mak lei bandu, hau basa nia ho domin hanesan maun alin, laos ho intensaun,” dehan PNTL nee.

Nia mos afirma liu tan, PNTL ho AIFAESA mai ho orden ida katak, estadu haruka atu mai prende sasan neebe bandu labele faan iha merkadu.

Tuir observasaun STL nian iha terenu haree katak, ho akontesimentu nee, negosiante sira neebe faan sasan iha Merkadu Taibesi sai hotu, hodi hakilar dehan, polisia labele baku povu kiik sira hanesan nee, ema boot sira goja iha leten, povu ho povu labele baku malu.*

Reportajen: Madalena Horta

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Horta Husu Komunidade Fo Resposta Los Ba Ajente Enumerador

DILI, STLNEWS.co - Prezidente Republika (PR), José Ramos Horta, husu ba komunidade sira atu fo resposta neebe los ba ajente enumerador sira neebe halo...

Kazu Droga TDD Aplika Medida AP Ba Arguidu Nain 9

DILI, STLNEWS.co - Tribunal Distrital Dili (TDD) iha loron Segunda nee (15/08/2022) liu husi despaisu ikus ba prosesu primeiru interogatoriu (AP), desidi aplika medida...

Governu Lansa Sensus Populasaun & Uma Kain 2022

DILI, STLNEWS.co - Governu liu husi Ministeriu Finansas (MF) Segunda nee ofisialmente lansa sensus populasaun no uma kain iha tinan 2022 nee. Iha fulan Marsu...