Negosiante Tais Market Colmera Simu Aihan Husi Xanana

DILI, STLNEWS.co – Lider karismátiku, Kay Rala Xanana Gusmão, kontinua apoiu aihan bazika ba negosiante tais market hamutuk ema nain 46, neebe durante tinan barak halao atividade negosiu iha Colmera, Dili.

Liu husi komunikadu neebe STL asesu Domingu (06/06/2021) haktuir, dader nee Xanana apoiu aihan hanesan fos saka 20 kg hamutuk 46, supermie 46, mina ba ema 46, neebe entrega direta husi reprezentante X-Team Umanitária, Vanessa Sereno no ekipa ba Xefe Koordenador Sekretariadu Tais Market Colmera-Dili, akompaña husi negosiante sira.

“Agradese tanba durante moras mundiál pesti COVID-19 akontese iha Timor Leste too ohin loron ami halao atividade negosiu enfrenta mos problema sosiál menus aihan, tanba durante implementasaun Estadu Emerjensia (EE), Serka Sanitária (SS), no Konfinamentu Domisiliariu (KD) turista ladun vizita ami nia fatin hodi sosa tais no sasán artezenatu kultura nia neebe faan”, hatete Xefe Sekretariadu Tais Market Colmera, Manuel Amaral Casimiro.

Xefe Tais Market nee, hatoo agradrese ba lider istóriku Xanana neebe kontinua hatudu domin hodi lolo liman ba povu neebe sofre problema sosiál no hamlaha. Nunee, bainhira Xanana vizita ba sosa tais iha sira nia fatin hodi aprezenta kedas proposta husu apoiu.

“Durante situasaun COVID-19 too mai agora ami moris susar tebes, susar atu halo negosiu no labele hetan osan, tanba malae no komparador sira nunka mai sosa ami nia tais, nunee ami susar no menus tebes rendimentu atu sosa foos hodi han. Tanba nee Avo Xanana mai vizita sosa ami nia tais, ami aproveita hodi hato’o proposta ohin ho domin avó haruka kedas foos mai fó ba ami,” agradese Manuel.

Iha fatin hanesan reprezentante Feto Tais Market, Cristina Gonçalves agradese tanba nudar feto sira sente moris susar tebes atu hetan osan, tanba EE ho SS limita sira nia movimentu atu halao atividade negosiu.

“Ami moris susar iha situasaun ida nee, hamalaha la iha osan, tanba ita faan tais maibe ema la mai sosa, nunee Avo Xanana fo ona apoiu mai nee ami hatoo deit obrigada wain ba avo nia tulun,” nia dehan.*

Reportajen: Guilhermina Franco/Madalena Horta
Editora: Domingas Gomes

1 COMMENT

Leave a Reply to joss lemorai Cancel reply

Please enter your comment!
Please enter your name here

NEWS UPDATE

Xanana Husu Joven Kria Pás & Estabilidade

DILI, STLNEWS.co - Lider nasional Kay Rala Xanana Gusmão husu ba joven iha Bairo Moris Foun C, Santo Antonio Comoro atu kria pás no...

Asosiasaun Emprezariu Xineza Apoiu Material Konstrusaun Ba BOP

DILI, STLNEWS.co - Ekipa voluntariu Mama Bolu Timor-Leste parseria ho Asosiasaun Emprezariu Juventude Xineza Timor oan apoiu material konstrusaun ba Batallaun Orden Públika (BOP)...

PR Ho Espoza Vizita Eko Turismo Sentru Estudu Mangrove

DILI, STLNEWS.co - Prezidente Republika Francisco Guterres Lú Olo no nia espoza ohin Domingu (01/08/2021) halo vizita ba fatin eko-turismu Sentru Estudo Mangrove, Hera. Iha...
%d bloggers like this: