Numeru Infetadu Covid-19 Iha Prizaun Becora Sae Ba 221, Covalima 37

DILI, STLNEWS.co – Ministru Justisa (MJ) Manuel Carceres hateten, iha prizaun Becora dadaun nee numeru infetadu ba moras Covid-19 husi dadur no guarda prizaun hamutuk 221 no Covalima ema nain 37.

Kestaun nee Manuel Carceres informa wainhira hasoru malu ho Primeiru Ministru (PM) Taur Matan Ruak iha rezidensia Xefe Governu, Farol, Segunda (17/05/2021).

“Ohin hau mak husu audensia espesial ba Primeiru Munistru para mai atualiza situasaun, liu liu kona ba maluk sira iha prizaun Becora, tanba dadaun nee ita hasoru situasaun ida neebe todan tebes, tanba iha prizaun Becora dadur hamutuk ema nain 541, no guarda prizaun hamutuk 133. Entre sira nee iha dadur hamutuk 212 mak infetadu ba moras covid, nain tolu agora baixa hela iha sentru izolamentu Vera Cruz. Aleinde nee, iha mos guarda prizional hamutuk nain 9 mak infetadu ba moras Covid-19 no dadaun iha hotu ona izolamentu ida iha Fatuhada,” dehan Ministru Manuel.

Nia dehan, iha loron Sesta semana kotuk ho Ministra Saude observa ona fatin sira iha prizaun Becora, nunee deside transforma sela 4 sai hanesan fatin izolamentu. Nunee tau mos postu vijilansia saude ida iha neeba hodi halo asistensia saude ba dadur sira nee. Aleinde nee iha prizaun Covalima, guarda prizional hamutuk nain 40, iha ema nain 8 mak infetadu ba moras Covid-19 nee.

Nia mos informa ba Primeiru Ministru katak, prizaun Gleno, Ermera too ohin seidauk deteta ema ruma mak infetadu ba moras Covid-19.

Iha biban nee xefe governu husu atu buka tok dalan oinsa para bele halo vasina ba dadur no guarda prizaun sira.

“Primeiru Ministru Taur Matan Ruak mos fo ona orientasaun ba hau atu buka tok dalan oinsa para dadur no guarda prizaun sira bele asesu ba vasina, nunee bele kontrola propagasaun moras Covid-19,” hakotu nia.*

Reportajen: Alberto Menezes
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Povu Uailili Infrenta Infraestrutura Baziku

DILI, STLNEWS.co – Infraestrutura baziku to'o oras nee sei sai nafatin preokupasaun boot ba komunidade sira iha baze, liu - liu estrada no eletrisidade...

URA Feto Sempre Apoiu Mane

DILI, STLNEWS.co – Tempu difisil feto sempre apoiu mane iha luta ba Ukun Rasik An (URA), ikus hetan independensia, kontribuisaun konta hotu feto ho...

Loron Ba Loron Jose Nia Rendimentu Menus

DILI, STLNEWS.co – Negosiante Jose Nascimento Nunes, neebe faan ropa obralan iha area Bairru Pite, sente triste ho situasaun pandemia Covid- 19 nee, tanba...
%d bloggers like this: