Oan Halo Problema, Aman Hasai Kilat Tiru Mate Komunidade

DILI, STLNEWS.co – Relasiona ho akontesementu neebe maka akontese iha Suku Lahane Osidental, oknum PNTL ida lori kilat tiru komunidade sira, hodi rezulta lia-nain ho nia oan mane lakon vida inklui mos mane foun kanek todan iha ain, tanba problema entre oknum PNTL nee nia oan mane ho joven sira.

Tuir Xefe Suku Lahane Osidental, Francisco Ribeiro Smith hatete, horseik sira koalia ba malu iha polisia nia uma, neebe sira dehan nee relasaun ketak ida lalikan koalia ba asuntu ida nee, tanba nee horseik nee sira hein malu iha polisia nia uma, lakleur tan hodikalan sira hein malu hanesan grupu ona iha Xefe Aldeia nia uma.

Tanba nee sira bolu malu ba koalia tiha kestaun nee ba malu ho diak, maske nunee sira nafatin lori malu ba iha komunidade nia uma iha Ainitas Hun neeba hodi koalia nafatin konaba asuntu nee. Nee mak horkalan hodi akontese tiru nee, iha suku Lahane Osidental, Aldeia Gomes Araujo.

“Kronologia husi problema nee membru PNTL nee nia oan mane ho joven sira iha suku refere, no membru nee mos ba halao hela nia servisu, fila husi servisu fatin mai nia oan mane ba kesar iha nia, entaun nia aman mos kala ladun satisfas ho hahalok entre joven sira ho nia oan mane hodi foti kilat karega tiru kedas ema nain 3. Sira nain 3 nee familia uma laran hanesan aman, oan, nomos mane foun. Husi tiru nee rezulta aman no oan mate inklui mos mane foun kanek todan iha ain,” dehan nia ba STL iha nia rezidensia Lahane, Dili, Sabadu (05/06/2021).

Autoridade lokal nee haktuir, antes nee laiha problema ruma entre membru PNTL nee ho joven sira, maibe nia oan mane nee maka buka problema bebeik ho joven sira iha fatin neeba.

Matebian lia nain nee ho naran Filomeno nee, hanesan lia nain Suku Lahane nian.

Nia hatete, oknum PNTL nee ho nia familia sira durante nee hahalok diak hanesan bain-bain iha suku laran, horseik nee maka foin akontese buat ida hanesan nee.

Iha biban nee nia hatoo mensajem ba Xefe Aldeia nomos komunidade sira hotu neebe maka hela iha suku refere, atu tau atensaun didiak ba asuntu sira hanesan nee, para labele akontese tan hahalok sira hanesan iha futuru, i komunidade sira tenke halo kooperasaun diak ho parte PNTL, nunee bele hamenus problema sira nee atu labele akontese tan hanesan nee iha sira nia leet.*

Reportajen: Efizenia da Costa
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun; EP1

STLNEWS.co – Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun • EPISODE 1: Drama Kakaluk Ba Corona https://youtu.be/VQBkF8ES8GE • dr. Odete Maria Freitas Belo,...

TL Seidauk Tempu Ba Expo Dubai

DILI, STLNEWS.co - Timor Leste atu partisipa iha Expo Dubai, maibe haree ba situasaun agora povu sofre ba situasaun Covid-19 no kalamidade, tanba nee...

Akontesementu Meza PPN Rahun; MP Notifika Deputadu CNRT Nain 8

DILI, STLNEWS.co - Relasiona ho akontesementu meza Prezidente Parlamentu Nasional (PPN) rahun iha loron 18-19 Maiu 2020, Ministeriu Publiku (MP) fo ona karta notifikasaun...
%d bloggers like this: