Observador Husu Governu Ho Kompania Valoriza Servisu Traballador

DILI, STLNEWS.co – Observador politika iha rai laran husu ba governu ho kompania, atu valoriza servisu traballador, tanba sira presta nafatin servisu iha tempu estadu emerejensia, serka sanitaria, no konfinamentu obrigatoriu.

Observador politika, Camilo Ximenes katak, relasiona ho estadu emerjensia, serka sanitaria, no konfinamentu obrigatoriu neebe maka kontinua aplika, fo impaktu ba traballador barak tantu instituisaun governu no instituisaun privadu sira, maibe iha traballador sira nafatin louva, hatudu sira nia prestasaun servisu, tanba nee servisu neebe traballador sira halo, presiza tebes atu valoriza sira.

“Ita presiza valoriza suporta objetu balun neebe sira presiza, atu nunee sira nafatin hatudu sira Nia profisionalismu hodi halao knaar neebe ho servisu kualidade,” dehan nia ba STL, iha nia knaar fatin Caicoli, Dili, Sesta, (30/04/2021).

Nia hatutan, tuir lolos Timor Leste mos tenki iha sindikatu neebe reprezenta luta defende ba kada traballador tuir instituisaun, atu nunee sindikatu nee bele defende traballador sira wainhira iha problema ruma iha nia servisu.

“Sindikatu ida atu defende professores sira, iha sindikatu ida atu defende dosente no mos iha sindikatu ida defende jornalista sira, atu nunee ida-idak iha nia sindikatu atu nunee bele defende traballador sira,” nia sujere.

Nia dehan, ho razaun atu hili sindikatu nee, atu nunee tantu instituisaun governu no kompania sira viola servisu traballador ou la valoriza traballador sira nia Servisu, i traballador balun lalao tuir nia servisu, nunee iha loron espesial loron 01 Maiu dia do traballador nee sindikatu ho traballador sira hamutuk hodi bele hadia erru sira nee.

Observador nee halo komparasun iha nasaun seluk iha traballador hotu iha sira nia sindikatu neebe servisu ho objetivu atu defende traballador sira, tanba nee Timor mos diak liu adapta sistema nee, tanba dala ruma Timor susar atu organiza malu, nunee ida-idak hatudu sira nia matenek.*

Reportajen: Santina Castro
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Harii Federasaun Tenke Prepara Kondisaun

DILI, STLNEWS.co - Sekretariu Estadu Juventude No Desportu (SEJD), hatete harii federasaun tenke prepara mos kondisaun hanesan tenke iha atleta no treinador rasik. Lia hirak...

SEJD Enkontru Ho Lider Artemarsiais

DILI, STLNEWS.co - Sekretariu Estadu Juventude no Desportu (SEJD), halao enkontru ho lider artemarsiais sira iha Timor Leste, kona ba rekezitus artemarsiais nian neebe...

Lori Maromak Nia Domin Ba Ema Hotu

DILI, STLNEWS.co - Nuudar sarani neebe diak iha moris, tenke sai valeta ba ema hotu, atu lori Maromak nia grasa no domin ba maun...
%d bloggers like this: