DILI, STLNEWS.co – Ohin Domingu paixaun Jesus nian, Kristu nia mate, terus no nia moris hias.
“Ohin Domingu paixaun ba Jesus nian, Jesus terus, Kristu nia mate no Kristu nia moris hias, i mos ohin ita halao prosisaun husi gruta sabraka laran hodi mai too iha igreja, hodi hanoin hikas Kristu nia mate, Kristu nia terus no Kristu nia moris hias,” lia hirak nee hatoo husi Pe. Parokia Bedois, Albert Franco Morato liu husi omilia, iha Igreja Bedois, Domingu nee (02/04/2023).
Nia hatete, ohin hahu iha Domingu Ramos, leitora sira koalia konaba Kristu nia terus no Kristu nia mate nomos Kristu nia moris hias.
Ohin sarani barak hamutuk no kaer ramos tahan, no hakbesik aan ba Jesus no banati tuir nia Jesus nia terus no mate.
Ramos neebe mak ohin bensa ona, nee sai hanesan sagradu ona, neebe fila ba ramos nee rai didiak hodi tau iha ortoriu, labele fila ba uma nee ramos soe tuir-tuir fali dalan.
“Karik ramos iha ita boot sira nia uma mak ramos barak liu ona, diak liu lori mai iha igreja, hodi rai nee aban bainrua sunu halo fali ba ahi kudesan, nunee ita bele simu fali sinza,” tenik nia.
Tuir observasaun STL haree iha terenu katak, ohin sarani sira haksolok no haklalak tebes kaer ramos hodi amu fo bensa, bainhira bensa ramos hotu, sei halao profisaun husi gruta sabraka laran too mai igreja Bedois no kontinua ho misa.
(dom)
