Ohin, Espoza Xefe Casa Civil Timor Leste, Hakoi Iha Sulawesi Norte-Indonezia

DILI, STLNEWS.co – Mate isin matebian Eugenia A. Tatulese, espoza Xefe Casa Civil Prezidente Republika Timor Leste, Francisco Maria de Vasconcelos, Sabadu (28/8/2021) tuku 13.00 WITA ou 14.00 WTL, hakoi iha Sulawesi norte, Indonezia.

Serimonia prosesu funeral mate isin matebian Eugenia A. Tatulese, sei halao liu husi media online husi Pulau Salebabu, Postu Administrativu Lirung, Distritu Kepulauan Talaud, Sulawesi Norte, Indonezia. Nunee, Familia boot Xefe Casa Civil, Francisco Maria de Vasconcelos, akompania prosesu funeral mate isin matebian Eugenia A. Tatulese liu husi online.

Espoza Xefe Casa Civil Timor Leste, Rev. Eugenie A. Tatulese, hakotu nia iis iha Kuarta (25/8/2021), tuku 01:00 WITA ou tuku 02:00 OTL, iha Pulau Salebabu, Postu Administrativu Lirung, Distritu Kepulauan Talaud, Sulawesi Norte.

Media STL asesu informasaun kona ba espoza Xefe Casa Civil nia mate liu hosi wall Facebook Xefe Casa Civil, Francisco Maria de Vasconcelos. Iha wall Facebook Xefe Casa Sivil, Francisco Maria de Vasconcelos hakerek ho caption “Selamat jalan istriku tercinta menuju keabadian. Boa viajen hau nia domin ba fatin vida eternal iha Aman Maromak Nia kadunan santo”.

Wall Facebook Xefe Casa Civil, Francisco Maria de Vasconcelos hetan responde husi warga net. Sentimentu tristeza no apoiu moral, reza ho sentidu kondolensia hato’o husi familia, parentes, kolegas no amigus iha Timor Leste nomos Indonezia.

Iha wall Facebook Xefe Casa Civil, Francisco Maria de Vasconcelos nakonu ho sentidu kondolensia neebe hato’o husi familia, parentes, kolegas no amigus.

Prezidente Republika Demokratika Timor-Leste, Francisco Guterres Lú Olo mos fahe ninia sentimentu tristeza liu hosi wall Facebook Casa Civil, Francisco Maria de Vasconcelos ho caption “Prezidénsia Repúblika hato’o sentidos kondolénsia ba Chefe Casa Civil Francisco Maria de Vasconcelos nia kaben Eugenie A. Tatulese, ne’ebé fila hikas ona ba na’i nia kadunan santo”.

Sentimentu tristeza no sentidu kondolensia mos hato’o husi Sinode Igreja Protestante iha Timor Lorosa’e (IPTL), fatin neebe matebian halao nia dedikasaun nuudar bibi atan durante tinan 20 nia laran.

Prezidente IPTL, Rev. Domingos Alves, S.Si.Teol no Sekretaria Jeral, Rev. Juliana Temparaja, S.Th,Th.M, lori familia boot IPTL nia naran hato’o sentimentu tristeza no kondolensia profunda ba familia matebian, Pastor. Eugenie Tatuluse.

“Igreja IPTL sente lakon nia bibi atan diak ida husi sarani sira nia leet. Durante sei moris, matebian hatudu nia komitmentu hodi halao atendimentu iha IPTL ho diak. Iha situasaun ida nee, ita labele hasoru malu direta, maibe familia boot IPTL hamutuk ho sarani tomak reza ba matebian Eugenie A. Tatulese nia laen, Pastor Francisco Maria de Vasconcelos no familia boot matebian iha Sangihe Talaud, husu Maromak nia tulun hodi fo korajen nafatin no laran metin hodi simu realidade tristeza ida nee,” dehan Prezidente IPTL, Domingos Alves.

Liu husi karta sentidu kondolensia IPTL nian neebe asina husi Prezidente IPTL, Rev. Domingos Alves, S.Si.Teol no Sekretaria Jeral, Rev. Juliana Temparaja, S.Th,Th.M, dehan katak nuudar ema fiar nain katak isin neebe fraku fila fali ba rai, maibe fiar neebe metin fila ba Aman Maromak.

Prezidente IPTL, Rev. Domingos Alves mos hato’o agradese wain ba Prezidente Sinode Igereja Masehi Injili iha Talaud (GERMITA), Pastor. DR. Arnold Apolos Abbas S.Th. M.Th.

“Obrigado ba Pastor. DR. Arnold Apolos Abbas S.Th. M.Th, neebe halao atendimentu hahu husi matebian hakotu nia iis iha Kuarta (25/8/2021). Ita labele hasoru malu direta, tanba nasaun ketak-ketak no situasaun pandemia Covid-19, ami la bele asisti prosesu tomak funeral mate isin matebian Eugenie A. Tatulese, maibe ami fiar katak atendimentu husi Sinode GERMITA nia lori ita bele hamutuk ho Kristu”, dehan Rev. Alves.

Entretantu, Prezidente Sarani Igreja Hosana Dili, Rev. Moises A. da Silva lori sarani tomak Igreja Hosana nia naran hato’o mos sentimentu tristeza no kondolensia profunda ba familia matebian, Eugenie A. Tatulese.

“Ami lakon tan sarani diak ida no bibi atan diak ida Rev. Eugenie A. Tatuluse husi ami nia leet no fila fali ba Aman Maromak Nia Kadunan Santu. Sarani Igreja Hosana Dili, reza nafatin hodi husu Maromak nia tulun no bensaun para prosesu funeral mate isin matebian lao ho diak”, katak Rev. Moises A. da Silva.

Matebian Rev. Eugenie A. Tatulese moris iha Pulau Salebabu, Postu Administrativu Lirung, Distritu Kepulauan Talaud, Sulawesi Norte (Indonezia), loron 25 fulan Agostu tinan 1970. Matebian sai nuudar pastor ho idede 29. Nia halao atendimentu ba sarani sira iha Igreja Ekaristia Comoro husi tinan 1999 to’o tinan 2004. Depois nia halao atendimentu ba sarani sira ho part time to’o nia hakotu iis.

Matebian kaben ho pastor Francisco Maria de Vasconcelos iha Fevereiru tinan 1997. Iha fulan Fevereiru tinan 2020, matebian halao tratamentu nia saude iha Bali (Indonezia), tanba moras kankru.

Semana ida antes nia fila hikas ba Aman Maromak nia kadunan santu, matebian fila ba nia moris fatin, Pulau Salebabu, Postu Administrativu Lirung, Distritu Kepulauan Talaud, Sulawesi Norte-Indonezia, razaun vizita no haree nia inan moras. Maibe, ho Maromak nia planu, bolu hikas matebian ba nia kandunan lalehan iha Kuarta (25/8/2021).

Sentimentu tristeza mai hosi matebian nia kunada, Merry de Vasconcelos. Liu husi wall Facebook, Merry de Vasconcelos hateten” Kak Eny, kakak iparku sayang, 25 tahun lebih kita hidup bersama sebagai keluarga. Kami akan selalu mengenang kebersamaan kita, teristimewa kenangan kita bersama di Lirung dan Manado saat kakak menikah dengan Mano Quito. Semua itu tinggal kenangan, sakit dan perih, kak. Kami selalu bawa nama kak dalam setiap doa kami, tapi Tuhan Yesus pemilik hidup menyatakan kehendakNya. Selamat menuju rumahNya yang abadi di sorga”.

Sentimentu tristeza mos mai husi matebian nia banin feto, Ana Maria Fernandes de Vasconelos. Bainhira diariu nee hasoru nia iha nia residensia iha Fatumeta, Aldea 5 Outubru, Suku Bairo Pite, Sesta kalan (27/8/2021), Ana Maria Fernandes de Vasconcelos ho sentimentu triste hateten katak nia lakohi nia oan feto nee ba halao tratamentu iha Bali.

“Hau lakohi nia halao tratamentu saude iha Bali. Maibe, nia lakohi rona hau. Agora nia lakon ona husi hau nia leet. Kalan-kalan hau hanoin nia. Bainhira hau hanoin nia, hau sempre sai husi hau nia kuartu hodi haree nia foto no sunu lilin,” dehan Ana Maria ho triste.

Prosesu funeral mate isin matebian Rev. Eugenie A. Tatulese iha Lirung, Sabtu (28/8/2021) asiste husi nia laen, Francisco Maria de Vasconcelos no Adi Vasconcelos Pinto reprezenta familia boot husi Timor Leste.

Serimonia requiem funeral mate isin sei lidera husi Sinode GERMITA liu husi online husi Lirung. Sinode IPTL sei akompana serimonia requiem funeral mate isin iha Rezidensia Xefe Casa Civil, Francisco Maria de Vasconcelos iha Fatumeta, Aldeia 5 Outubru, Suku Bairo Pite, Munisipiu Dili.

Pastor sira neebe sei asiste missa requiem funeral mate isin liu husi online mak hanesan Rev. Dominggus Alves, Rev. Martinho Faria, Rev. Juliana Temparadja, Rev.Miguel da Costa, Rev. Nelyana Santo Nope, Rev. Moises A da Silva, Rev. Wisrahayati no Rev. Martha Lintjewas de Vasconcelos.*

Reportajen: Yulius Ora/Mikael Mali Mau

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 23 Setembru: Kazu Pozitivu 58, Rekuperadu 148 & Obitu 1

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 58, i kazu rekuperadu ohin loron 148 no obitu nain...

Vasinasaun Dalan Seguru, Normaliza Situasaun

DILI, STLNEWS.co – Vasinasaun mak dalan seguru hodi normaliza situasaun, no hasae imunidade forte atu prevene Covid-19. Kestaun nee haktuir husi Ministru Ensinu Superior Siensia...

Finalista ICS 292 Simu Graduasaun

DILI, STLNEWS.co – Institutu Ciencia Saude (ICS), ohin halao graduasaun ba finalista hamutuk 292, kompostu husi fakuldade 4 mak hanesan, Fakuldade Enfarmajen, Farmasia, Parteira...
%d bloggers like this: