Ohin Loron Importante Ba Sarani Becora

DILI, STLNEWS.co – Ohin Loron Domingo (21/11/2021) nuudar loron importante ba sarani Parokia Becora, tanba loron nee laos hanesan Domingo babain, iha Solenidade Festa Kristu Liu Rai, marka istoria boot ba sarani sira, inagura igreja foun Parokia Sagradu Kurasaun de Jesus Becora.

Parokia Becora harii iha fulan Outubru 1965, no iha loron 29 Outubru 1966 formalment Santa Se hasai diploma ida, neebe deklara Parokia Sagradu Kurasaun de Jesus Becora, moris ho vizaun ida mak sai igreja neebe aprende, hanoin, serbi no reza.

Nunee Igreja Becora harii liu husi prosesu neebe naruk, nunee depois komemorasaun tina 50, ejistensia Parokia Becora, iha tinan 2015 liu ba, Amo Paroko Padre Guilhermino da Silva, momentu neebe deside hodi konstrui fali igreja nee.

Hafoin liu tinan hirak nia laran konstrusaun igreja, foin remata iha tinan nee, no loron ohin momentu importante hodi inagura igreja Becora.

Iha seremonia importante nee, programa neebe halao ona maka Arcebispo Dom Virgilio do Carmo da Silva, SDB hatais kulturua hodi hamutuk ho sarani sira lao ba igreja, no tuir mai halo seremonia agradesementu, husu deskulpa, no husi manu pombu.

Tuir mai Amo Bispo troka fila fali kultura no hatais batina, hafoin nee hodi hatoo mos relatoriu husi Komisaun Konstrusaun Igreja foun.

Depoai Komisaun Konstrusaun hatoo relatoriu, tuir kedan koa fita husi Primeiru Ministru Taur Matan Ruak, neebe akompanha ho sirine nia lian.

Hafoin koa fita, Amo Arcebispo entrega xave ba Amo Paroko Padre Domingos Soares Da Silva.

Entrega xave hotu, kontinua ho bensaun ba igreja foun, husi Dom Virgilio, depois bensaun igreja foun mak kontinua ho asina plaka husi Amo Bispo no Primeiru Ministru.

Hafoin seremonia hirak nee mak kontinua ba Santa Misa. Misa inagurasaun no misa Solenidade Kristu Liu Rai nee prezide husi Arcebispo Dom Virgilio do Carmo da Silva, SDB.

Partisipia iha inagurasaun nee husi Primeiru Ministru (PM) Taur Matan Ruak ho nia espoza, Vise Prezidente Parlamentu Nasional (V-PPN), Gabinete Apoiu Sosiedade Sivil, no entidade relevantes sira, Padre Madre sira, Konsellu Pastoral Parokia Becora nian, Frater irma sira, no partisipasaun masimu husi sarani Parokia Becora.

Iha Amo Bispo nia homilia, fo parabens ba sarani Becora, tanba ho igreja foun bele moris foun, no moris iha dame nia laran.

“Ho Igreja foun bele moris foun, no moris iha dame laran,” dehan Amo iha homilia.

Nunee Amo mos husu sarani sira atu tuir misa no halo orasaun iha igreja foun nee, laos igreja foun tiha loron Domingo ema la iha.

(ekipa STL)

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 4 Dezembru: Kazu Pozitivu 1 & Rekuperadu Nain 1

DILI, STLNEWS.co - Ohin loron, Sabadu (04/12/2021), Kordenadora Jeral Surtu Covid-19, Ministeriu Saude Timor Leste deteta tan kazu pozitivu ida (1) no rekuperadu nain...

PR Periodu 2022-2027 Presiza Tau Interese Ba Estadu & Povu TL

DILI, STLNEWS.co - Prezidente Republika (PR) ba periodu tinan 2022-2027 atu ukun husi se deit presiza mak tau interese ba estadu no povu Timor...

Lidera Enkontru G7+ Iha Lisboa, Xanana Kontinua Promove TL Ba Mundu

PORTUGAL, STLNEWS.co - Lider karismatiku Xanana Gusmão, nu'udar mos pesoa eminente g7+ kontinua promove Timor Leste ba mundu liu husi g7+, bainhira hamutuk ho...