Oitavu Governu La Konsege Halo Dezenvolvimentu

DILI, STLNEWS.co – Tuir docente filosofia, analista politika ISFIT, Martinho G. da Silva Gusmão katak, tuir ninia observasaun desde oitavu governu monu la konsege hamriik too agora. Martinho G. da Silva Gusmão hatoo kestaun nee ba STL iha Salaun Katedral, Vila Verde, Domingu (09/05/2021) nee.

Nia hatete, tuir nia haree oras nee governu nee la funsiona ho diak, tanba hotu hotu halao hotu parte saude nia serbisu.

“Besik tinan ida ona selebra oitavu governu nia moris, hau haree governu ida nunka hamriik desde oitavu governu monu tun nia la konsege ona hamriik. Tentativa hotu governu koko atu mantein ninia politika maibe husi aspetu real nian, liu liu haree husi ninia atuasaun governu ida nee lahalo buat ida. Klaru bele tau Covid maibe Covid nee problema saude nia laos politika nia. Se problema nee fokus ba saude entau fo forsa makas ba pessoal saude sira finansiamentu ekipamentus para ekipa saude sira serbisu,” hatete nia.

Analista politika nee hatutan, konaba situasaun Covid-19 nee husik entrega ba parte saude mak haree, Prezidente, Primeiru Ministru, deputadu, ministru sira labele kaer hotu parte saude nia serbisu.

Nia mos afirma, governu nee la ejiste no ejiste deit mak Ministra Saude, Vice Ministru Saude. Hotu hotu sai doutor no infermeiru no parteira hotu no PNTL mos sai doutor hotu halai tun sae lockdown hanesan loron loron sira haree virus.

Nia hatete, Covid nee virus ida tanba nee ema hotu presiza buat rua mak uza maskara no distansia sosial hodi prevene, maibe dezenvolvimentu nee kontinua lao.

Iha fatin ketak, Fundador Rede Observasaun Nasional Eleisaun Timor-Leste (RONETIL) Laurentino Alves nota katak, VIII governu konstitusional laiha programa prinsipal husi planu estratejiku nasional.

“Liga ba iha servisu konstrusaun de estadu, ita hotu akompaña governu laiha program prinsipal sira husi planu estratejiku nasional, neebe bele sukat atinjementu dezenvolvimentu estadu no kapasidade umanu iha rai laran,” dehan fundadór RONETIL nee.

Nia dehan, durante sira nia observasaun VIII Governu Konstitusionál sira nota katak programa espesifiku mak konsege mak proteje sidadaun sira husi transmisaun virus SARS-Cov-2 neebe sai hanesan problema mundial.*

Reportajen: Ekipa STL
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 20 Outubru: Kazu Foun Hamutuk 16

DILI, STLNEWS.co - Ohin loron Sentru Integradu Jestaun Krize (SIJK) rejistu kazu foun hamutuk 16, iha Dili 14 no munisipiu seluk iha nain 2. "Kazu...

Membru F-FDTL Foun Ida Halai Lakon

DILI, STLNEWS.co - Membru foun FALINTIL Forsa Defeza Timor Leste (F-FDTL) ida ohin halai lakon iha sentru formasaun Metinaro tanba la augenta ho instrusaun...

Maromak La Dukur Ba Nia Ema

DILI, STLNEWS.co - Maromak mak iha kbiit tomak sempre akompanha ema hotu iha tempu saida deit no nunka dukur ba ema, tanba ne'e presiza...