DILI, STLNEWS.co – Liu husi Orsamentu Jeral Estadu (OJE) tinan 2021, Parlamentu Nasional (PN) preve ona orsamentu atu sosa tan kareta ba deputadu, diretor no funsionariu sira iha PN.
“Hau hanoin liu husi orsamentu 2022 nian ami halo redusaun ba kapital minor, tanba ami la presiza sosa kareta barak, maibe utiliza deit kareta sira neebe iha kondisoens atu bele halao servisu, tanba nee tenke halo manutensaun neebe diak, maibe posibilidade sei sosa tan kareta menus husi 10, hodi fasilita deputadu sira, diretur no funsionariu sira hodi halao servisu parlamentu nian,” kestaun nee fo sai husi Visi Prezidente Parlamentu Nasional Maria Angelina Sarmento ba jornalista, iha PN, Dili, Sesta(03/09/2021).
Nia hatutan, iha loron hirak liu ba Konsellu Admintrasaun PN nian, halo ona diskusaun konaba orsamentu privativu parlamentu nian, ba ano fiskal 2022, tan nee liu husi orsamentu privativu nee, halo redusaun iha kapital minor*
Reportajen: Madalena Horta/Domingas Soares
Editor: Ekipa STL
