DILI, STLNEWS.co – Reprezentante povu iha uma ukun Parlamentu Nasional (PN) liu husi Xefi Bankada KHUNTO, Deputada Olinda Guterres hatete, relasiona ho problema povu sira nian lakohi ulun moras hakilar beibeik iha plenaria Segunda ho Tersa, karik membru govenu neebe la hatene halo servisu hodi rezolve problema povu nian nee, ezonera tiha deit.
“Hau koalia beibeik ona, kuandu governu nia ema maka la hatene halo servisu ezonera tiha, tau fali seluk neebe hatene halo servisu para labele halo ami deputadu sira ulun moras, hau koalia problema povu nian nee dala ida, lakohi repete hela deit iha plenaria nee, hau ladun gosta,” dehan nia iha PN, Kinta nee (07/04/2022).
Nia afirma, tanba nee husu ba iha saniamentu book aan ba hadia bee kanu iha Bekora neeba, tanba semana 2 ona populasaun sira la iha bee, neeba mos labarik kiik barak.
Nia tenik, karik parte saniamentu nia servisu la diak ezonera tiha i tau fali seluk hodi bele rezolve problema povu nian.
Aleinde nee, Sekretariu Estadu Komunikasaun Sosial (SEKOMS), Mericio Juvinal Acara hatete relasiona ho preokupasaun deputada nian konaba problema bee moos, sei ba hatoo iha parte relevante hodi bele tau atensaun.
(dom)
