Olinda Sei Buka Tuir, Governu La Simu Povu Nia Aspirasaun

DILI, STLNEWS.co – Reprezentante povu iha uma fukun Parlamentu Nasional (PN), Deputada Olinda Guterres afirma, nia sei buka hatene tanba sa governu la simu povu nia aspirasaun, relasiona ho lamentasaun ka preokupasaun povu sira nian neebe governu seidauk tau atensaun.

Tuir Xefe Bankada KHUNTO, Deputada Olinda Guterres dehan, lamentasaun sira neebe mai husi povu relasiona ho akontesimentu iha loron 4 fulan Abril nian, anin sobu povu sira nia uma, ai monu hanehan uma inklui bee tama no lori hotu sira nia uma ho sasan uma laran, nomos sira neebe hela iha lona okos ho problema sira seluk.

“Entaun haree ba lamentasaun sira nee, ami nuudar povu nia matan tilun no ibun, sira hato’o mai ami, i ami hato’o ba iha plenaria, maibe to’o agora governu seidauk tau atensaun, hau la hantene governu nia hakarak nee saida, no hau sei buka hatene tanba saida maka governu la simu povu sira nia aspirasaun,” dehan nia ba STL iha PN, Sesta nee (26/11/2021).

Nia katak, tanba povu nia lamentasaun sira nee liu husi deputadu/a sira nuudar reprezentante povu iha PN, laos diretamente ba iha governu.

Nia afirma, maibe liu husi deputadu/a sira hanesan povu sira nia manu ain, hato’o mai depois maka enkamina ba governu relasiona ho sira nia lamentasaun no preokupasaun neebe sira enfrenta.

(dom)

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 4 Dezembru: Kazu Pozitivu 1 & Rekuperadu Nain 1

DILI, STLNEWS.co - Ohin loron, Sabadu (04/12/2021), Kordenadora Jeral Surtu Covid-19, Ministeriu Saude Timor Leste deteta tan kazu pozitivu ida (1) no rekuperadu nain...

PR Periodu 2022-2027 Presiza Tau Interese Ba Estadu & Povu TL

DILI, STLNEWS.co - Prezidente Republika (PR) ba periodu tinan 2022-2027 atu ukun husi se deit presiza mak tau interese ba estadu no povu Timor...

Lidera Enkontru G7+ Iha Lisboa, Xanana Kontinua Promove TL Ba Mundu

PORTUGAL, STLNEWS.co - Lider karismatiku Xanana Gusmão, nu'udar mos pesoa eminente g7+ kontinua promove Timor Leste ba mundu liu husi g7+, bainhira hamutuk ho...