Onestu, Obedese Ba Maromak Iha Diaria Moris

DILI, STLNEWS.co – Jesus husu ema hotu atu sai privadu neebe onestu, simples, no obedese halao Maromak nia hakarak iha diaria moris.

Kestaun nee hato’o husi Padre Richardo Pasang SVD ba STL Domingu nee (19/09/2021) hatete, iha evanjellu ohin loron, Jesus husu hotu – hotu aprende husi labarik oan ida. Normalmente, labarik sira tenke aprende, halo tuir ezemplu inan aman sira nian, ou ema neebe boot liu fali sira, maibe ba Jesus, la nunee. Jesus haree katak, iha labarik oan sira hatudu sira nia inosensia e obediensia (kepolosan dan ketaatan) neebe husu Nia eskolante sira tenke aprende.

“Jesus mos espera katak, ita hotu bele sai privadu neebe onestu, simples, no obedese halao Maromak nia hakarak iha ita nia diaria moris. Ema sira ho karakteristika hanesan labarik, sira mak soi iha Maromak nia futar oin,” dehan padre nee.

Padre hatutan, Livru Sabedoria iha primeira leitura hatudu konaba ema laran aat, neebe hakarak hasusar ema laran diak sira. Ema laran aat sira iha planu oin – oin hodi koko ema diak sira nia pasiensia.

Bibi Atan Kreda Katolika nee hatutan, Livru Sabedoria hakarak fanu ema nia konsiensia katak, la moris deit ho ema diak sira, maibe ema laran aat sira sempre haleu. Ema laran aat sira sei odi, ema laran aat sira sei tolok, ema laran aat sira sei fo terus nia maluk. bainhira hasoru situasaun hirak nee, oinsa los ema nia reasaun. Entrega ema sira nee ba Maromak nia domin, atu bele nakfilak sira an sai ema laran diak.

Nunee mos Saun Tiago iha segunda leitura hatete katak, matenek nain sei tun husi leten, nia sei mai ho laran mos, sei mai ho dame, ho laran diak no laran mamar, sei mai ho tulun, nia sei mai ho oin ida deit ba ema tomak. Nia la mai ho laran makerek. Saun Tiago fo hanoin atu keta moris ho hirus malu, keta moris ho laran aat ba malu, keta laran moras ba malu, tanba la manan buat ida. *

Reportajen: Emerenciana Pinto

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Vasina Pfizer Importante Ba Labarik Sira

DILI, STLNEWS.co – Tuir Ministra Saude Odete Maria Freitas Belo dehan, labarik sira presiza simu vasina Pfizer nee, tanba importante tebes hodi bele prevene moras...

Update Covid-19 TL 27 Outubru: Kazu Pozitivu 7 & Rekuperadu Nain 3

DILI, STLNEWS.co – Ohin loron 27 fulan Outubru tinan 2021, liu husi Centro Integrado Gestão de Crises, Sala Situação (CIGC-SS) rejistu tan kazu konfirmadu...

Estudante ESJ Simu Ona Vasina Pfizer

DILI, STLNEWS.co – Eskola Ensinu Sekundariu Jeral (ESJ) 4 Setembru simu ona vasina Pfizer ba doze primeiru, atu nunee bele halo prevensaun ba Covid-19. Informa...